فۋتبولدان ءا چ كەزىندە 25 ميلليون كيبەرشابۋىلعا تويتارىس بەرىلدى - پۋتين
بۇل تۋرالى رف پرەزيدەنتى ۆلاديمير پۋتين چەمپيوناتتىڭ قاۋىپسىزدىگىن قامتاماسىز ەتۋ جونىندەگى ۆەدومستۆوارالىق جەدەل شتابتىڭ حالىقارالىق ىنتىماقتاستىق ورتالىعىنىڭ وكىلدەرىمەن كەزدەسۋىندە ءمالىم ەتتى، دەپ حابارلايدى «قازاقپارات» ح ا ا كرەملدىڭ رەسمي سايتىنا سىلتەمە جاساپ.
«رەسەيدىڭ ارنايى قىزمەتتەرى مەن قۇقىق قورعاۋ ورگاندارى قىزمەتكەرلەرىنە، سونداي-اق الەمنىڭ 30 دان استام ەلىنىڭ قۇقىققورعاۋ ورگاندارى مەن ارنايى قىزمەتتەرىنىڭ وكىلدەرىنە العىس بىلدىرگىم كەلەدى. جالپى، بۇل بىرلەسكەن جۇمىسقا 34 ەلدىڭ 55 ارنايى قىزمەتى جانە قۇقىققورعاۋ ورگانىنىڭ 126 وكىلى قاتىسقانىن بىلەمىن»، - دەدى ۆ. پۋتين.
رەسەي باسشىسى اتاپ وتكەندەي، مۋنديال نىساندارىنىڭ قۇرىلىسىنا جانە ازىرلىگىنە، ءتۋرنيردى ۇيىمداستىرۋعا جۇمىلدىرىلعان، سونداي- اق ەرىكتىلەر مەن ادامداردىڭ وزگە دە ساناتتارىنان 2 ميلليوننان استام تۇلعا تەكسەرىلدى.
«الەم چەمپيوناتى كەزىندە 25 ميلليونعا جۋىق كيبەرشابۋىلعا جانە فۋتبولدان الەم چەمپيوناتىن وتكىزۋگە قاتىسى بولعان رەسەيدىڭ اقپاراتتىق ينفراقۇرىلىمىنا جاسالعان وزگە دە قىلمىستىق ارەكەتتەرگە تويتارىس بەرىلدى»، - دەدى ول.