قازاقستاندا 25 -مامىردا وتەتىن ماڭىزدى شارالارعا شولۋ
استانا
ساعات 9:00-دە «Hilton Astana» قوناق ۇيىندە ەڭبەك ونىمدىلىگىن ارتتىرۋ ماسەلەلەرى بويىنشا VII حالىقارالىق عىلىمي- تاجىريبەلىك كونفەرەنسيا وتەدى. كونفەرەنسياعا مينيسترلىكتەر مەن ۆەدومستۆولاردىڭ، اكىمدىكتەردىڭ، ۇلتتىق كاسىپكەرلەر پالاتاسىنىڭ، دامۋ ينستيتۋتتارىنىڭ، وتاندىق ونەركاسىپتىك كاسىپورىنداردىڭ وكىلدەرى، سونداي-اق ۇلى بريتانيا، رەسەي جانە باسقا دا ەلدەردەن ساراپشىلار قاتىسادى دەپ جوسپارلانۋدا.
ساعات 10:00 كەزىندە سەناتتا «بالىق شارۋاشىلىعىنداعى يننوۆاتسيالىق دامۋ پەرسپەكتيۆالارى جانە قازىرگى جاي- كۇيى، ەكسپورتقا باعىتتالعان ءونىم شىعارۋ ماسەلەسى» تاقىرىبىندا ق ر اۋىل شارۋاشىلىعى مينيسترلىگىنىڭ باسشىلىعىمەن كەزدەسۋ وتەدى.
ساعات 10:00-دە ترياتلون پاركىندە سپورت جارمەڭكەسى اشىلادى.
ساعات 11:00-دە اقوردادا ق ر مەملەكەتتىك حاتشىسى گۇلشارا ءابدىقالىقوۆانىڭ ق ر پرەزيدەنتى جانىنداعى ۇلتتىق جوعارى مەملەكەتتىك باسقارۋ مەكتەبىنىڭ تىڭداۋشىلارىمەن كەزدەسۋى ۇيىمداستىرىلادى.
ساعات 11:00-دە ق ر ينۆەستيتسيالار جانە دامۋ مينيسترلىگى «قاۋىپتى وندىرىستىك نىساندارداعى وندىرىستىك قاۋىپسىزدىكتىڭ جاعدايى» تاقىرىبىندا بريفينگ وتكىزەدى.
ساعات 11:00 كەزىندە «اتامەكەن» ۇ ك پ الاڭىندا شەتەلدەن يمپورتتالاتىن قۇس ەتىندە سالمونەللا باكتەرياسىنىڭ انىقتالۋى جاعدايلارىنا قاتىستى تالقىلاۋ وتەدى.
ساعات 12:20-دا ورتالىق كوممۋنيكاتسيالار قىزمەتىندە الماتى وبلىسىندا «رۋحاني جاڭعىرۋ» باعدارلاماسىن جۇزەگە اسىرۋ بويىنشا ءوڭىر اكىمى اماندىق باتالوۆتىڭ قاتىسۋىمەن بريفينگ بولادى.
سونىمەن قاتار ساعات 14:30 كەزىندە و ك ق الاڭىندا 2018 -جىلى تەگىن مەديتسينالىق كومەكتىڭ كەپىلدى كولەمى مەن ءدارى-دارمەكتى قارجىلاندىرۋ بارىسىنا ارنالعان باسپا ءسوز ءماسليحاتى ۇيىمداستىرىلادى.
ساعات 16:00-دە اقوردادا ق ر مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن ق ر پرەزيدەنتى جانىنداعى ازاماتتىق ماسەلەلەرى جونىندەگى كوميسسيانىڭ وتىرىسى وتەدى.
ساعات 16:00-دە مينيسترلىكتەر ۇيىندە ق ر دەنساۋلىق ساقتاۋ ءمينيسترى ەلجان ءبىرتانوۆ ۇكىمەتتىك ەمەس ۇيىمداردىڭ وكىلدەرىمەن كەزدەسەدى. جيىن بارىسىندا حالىقتى ءدارى- دارمەكپەن قامتاماسىز ەتۋ مەن مەديتسينالىق قىزمەتتى كورسەتۋدىڭ ساپاسى ماسەلەلەرى تالقىلانادى.
ساعات 16.00-دە قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا «استانا جاۋھارلارى» اتتى كورمە وتەدى.
ساعات 18:30 كەزىندە بەيبىتشىلىك جانە كەلىسىم سارايىندا «جاس قانات» 27- رەسپۋبليكالىق جاس انشىلەر كونكۋرسى اشىلادى.
الماتى
ساعات 10:00-دە ق ر ورتالىق مەملەكەتتىك ارحيۆى ق ر ورتالىق مەملەكەتتىك كينو- فوتوقۇجاتتار مەن دىبىس جازبالار ارحيۆىمەن بىرلەسە «داڭقتى پارتيزان قاسىم قايسەنوۆ» اتتى دوڭگەلەك ۇستەل وتىرىسىن وتكىزەدى. بۇل شارا جازۋشى، حالىق قاھارمانى ق. قايسەنوۆتىڭ 100 جىلدىعىنا ارنالىپ وتىر.
ساعات 15:00-دە ق ر ۇلتتىق كىتاپحاناسىندا اقىن، حالىق جازۋشىسى، جۋرناليست فاريزا وڭعارسىنوۆا جايلى جازىلعان ەستەلىكتەر جيناعىنىڭ تۇساۋكەسەر ءراسىمى وتەدى. ەستەلىكتەر جيناعى بۇگىنگى وقىرمانعا ارنالعانىمەن، نەگىزگى ماقساتى - كەلەشەك ۇرپاق ءۇشىن فاريزا اقىننىڭ قاراپايىم تىرشىلىك ورتاسىندا قانداي بولعاندىعىن، بولمىس-ءبىتىمىن، سان-قىرلى مىنەزىن، تانىم-تالعامىن جەتكىزۋ بولماق.
ساعات 17:00 كەزىندە قازاقستان قور بيرجاسى ءوزىنىڭ 25 جىلدىعىنا ارناپ KASE Talks دارىستەرىنىڭ سيكلىن وتكىزەدى. شاراعا تانىمال قازاقستاندىق قارجىگەرلەر قاتىسادى.
اتىراۋ
ساعات 12:00-دە سالتانات سارايىندا «مەرەيلى وتباسى» ۇلتتىق بايقاۋىنىڭ وبلىستىق كەزەڭى وتەدى.
ساعات 14:00-دە قۇرمانعازى اتىنداعى مادەنيەت سارايىندا وبلىس اكىمى نۇرلان نوعايەۆتىڭ قاتىسۋىمەن «ءبىلىم- يننوۆاتسيا» ليتسەي-ينتەرناتىندا «سىڭعىرلا، كۇمىس قوڭىراۋ» اتتى سالتاناتتى جيىنى وتەدى.
پاۆلودار
ساعات 12:00-دە وبلىس اكىمى وقۋشىلار سارايىندا IT- سىنىپتاردىڭ اشىلۋىنا قاتىسادى.