قىتايلىق رەجيسسەر قازاقستان تاۋەلسىزدىگىنىڭ 25 جىلدىعىنا ارنالعان كونسەرتتى دايىنداۋعا قاتىسۋى مۇمكىن
«قازاقستاندىقتارعا كورسەتىڭىزدەر. كەشە بىزگە كورسەتكەن كونسەرتى كۇشتى اسەر ەتتى، عالامات! سۋداعى «اققۋ كولى»: سۋدى جالاڭ اياق شالپىلداتىپ كەشىپ، بيلەدى، سۋبۇرقاقتاردى قولمەن، وجاۋمەن جاسايدى. بارلىعى ءجۇزىپ ءجۇر جانە كەتىپ قالادى: قابىرعالار، وركەستر، ورىنداۋشىلار. جالپى عاجاپ بولدى، قانشاما تەحنيكا قولدانىلدى. رەجيسسەرى وليمپيادا ويىندارىنىڭ (2008 -جىلعى بەيجىڭ جازعى ويىندارى قازاقپارات ەسكەرتپەسى) اشىلۋىن قويعان ادام ەكەن»، - دەدى مەملەكەت باسشىسى.
وسى ورايدا ق ر پرەزيدەنتى G20 ءسامميتى گالا- كونسەتىن قويعان قىتايلىق رەجيسسەردى قازاقستان تاۋەلسىزدىگىنىڭ 25 جىلدىعىنا ارنالعان كونسەرتتى دايىنداۋعا شاقىرۋ جايىندا ويلانىپ قالعانىن ايتتى.
«ال ءبىز قايدا جاسايمىز؟ ەسىلدە مە؟ بىزدە سۋدا جاساۋعا كەلمەيدى. مۇمكىن قاردىڭ ۇستىنە شىعار؟ ءبىز كوپ نارسەنى كورەمىز، ءبىراق ولار (قىتاي - ەسكەرتپە) مۇنى تاماشا، اۋقىمدى جاساي الادى. مەن بۇل جەرگە ءبىرىنشى رەت كەلىپ وتىرعانىم جوق»، - دەدى ن. نازاربايەۆ.
بۇل رەتتە مەملەكەت باسشىسى تاۋەلسىزدىك سارايى عيماراتىنىڭ اۋقىمى ق ح ر حالىق جينالىسى بۇكىل قىتايلىق حالىق وكىلدەرى جينالىسى عيماراتىنا بالاما رەتىندە جاسالعانىن اتاپ ءوتتى.
«تاۋەلسىزدىك سارايىن مەن ۇلگى رەتىندە الدىم. وسى جەردەگى حالىق وكىلدەرى ءۇيىن كوردىم، ول وتە ۇلكەن، ۇلكەن جيىندار وتكىزۋگە ارنالعان. استانادا وسىنداي عيمارات سالۋ كەرەك دەپ شەشتىم. ارينە، بىزدە مۇنداي ۇلكەن ەمەس. ءبىراق، مەنىڭشە، بىزگە جارايدى»، - دەدى ن. نازاربايەۆ.
ەسكە سالساق، 1 - قىركۇيەكتە ن. نازاربايەۆ ق ح ر ءتوراعاسى شي جينپيڭنىڭ شاقىرۋىمەن G20 سامميتىنە قاتىسۋ ءۇشىن قىتايعا كەلدى. ءبىرىنشى سەسسيادا مەملەكەت باسشىسى جاھاندىق ەكونوميكا ماسەلەلەرىن شەشۋ جولدارى تۋرالى ءوز بولجامدارىن ايتتى.