شۋچەدەگى كادەت كورپۋسىندا 259 كۋرسانت انت قابىلدادى
بيىلعى وقۋ جىلى كادەت كورپۋسىنا 500-دەن استام وقۋعا تۇسۋگە تالپىنىس بىلدىرسە، ىرىكتەي كەلە ونىڭ 259-ى عانا كۋرسانت اتاندى. وقۋعا تۇسكەندەردىڭ اراسىندا كەلىسىمشارت جانە مەرزىمدى قىزمەت وتكەرگەن اسكەري قىزمەتشىلەر دە بار. نەگىزىنەن ءبىرىنشى كۋرسقا قابىلدانىپ وتىرعانداردىڭ باسىم كوپشىلىگى ەلىمىزدىڭ ءار وڭىرىنەن كەلگەن ورتا جالپى ءبىلىم بەرۋ مەكتەپتەرىنىڭ تۇلەكتەرى. جالپى، ش. ءۋاليحانوۆ اتىنداعى ق ر ق م كادەت كورپۋسى قۇرىلعان كەزدەن بەرى بولىمشە كومانديرىنەن باستاپ ق ر ق ك باس سەرجانتى لاۋازىمدارىندا قازاقستاندىق ارميادا قىزمەت اتقارىپ جۇرگەن كىشى كوماندالىق قۇرامداعى 3 مىڭنان استام ماماندى تۇلەتىپ شىعارعانىن اتاپ وتكەن ءجون.
شاراعا اقمولا وبلىسىنىڭ اكىمى مالىك مىرزالين قاتىسىپ، كۋرسانتتار مەن ولاردىڭ اتا- انالارىن قۋانىشتارىمەن قۇتتىقتادى.
ءىس- شارا اياسىندا وقۋ ورنىنىڭ 1-كۋرس كادەتتەرىنىڭ ساپتىق دەفيلەسى، قويان- قولتىق ۇرىس بويىنشا كورسەتىلىمدەر ءوتتى. سونداي- اق، سالتاناتتى شاراعا جينالعاندارعا وقۋ روتاسىنىڭ ورنالاسۋىن، مۇراجايدى، ديناميكالىق ترەناجەر مەن «پروفي» اتىس كەشەنىندە نورماتيۆتەردى كورسەتە وتىرىپ، زەرتحانالىق كورپۋستى ارالاپ شىعۋ ۇيىمداستىرىلدى.
اۆتور: اسلان وسپانوۆ