جۇرەكتى جىلىتقان وقيعا: 257 قازاقستاندىق اقشا جيناپ، جالعىزباستى اناعا پاتەر الىپ بەردى
جاقىندا ولار اقتوبەدە تۇرىپ، ءۇش بالانى باعىپ جاتقان جالعىزباستى اناعا پاتەر الىپ بەردى. مۇقتاج جاندارعا كومەك كورسەتۋدى ماقساتىنا اينالدىرعان كلۋب مۇشەلەرى ءوز اتى- جوندەرىن كوپشىلىككە جاريا ەتۋگە نيەتتەنبەيدى. كلۋبتاعى دجەنتلمەندەرىمىز كىم؟
Stan.kz ءتىلشىسى كلۋبتىڭ نەگىزىن قالاعان ارمان قاشقىنبەكوۆپەن سۇحباتتاسىپ، كلۋبتىڭ كىم جانە نە ءۇشىن كەرەكتىگىن انىقتادى.
بۇل كلۋبقا ەلى ءۇشىن ەڭبەكتەنگەن ازاماتتار، اتاقتى تۇلعالارى، مينيسترلەر مەن اكىمدەر، مەملەكەتتىك قىزمەتكەرلەر، Forbes رەيتينگىسىنە كىرەتىن كاسىپكەرلەر جانە وزگە دە قوعام قايراتكەرلەرى مۇشە. ونى 2013 -جىلى اشقان ارمان قاشقىنبەكوۆتىڭ سوزىنشە، كلۋبتىڭ مۇشەسى بولۋدى جان- جۇرەگىمەن قالايتىن قازاقستاندىقتاردىڭ سانى كوپ. الايدا WhatsApp قوسىمشاسىندا توپتاعى ورىن سانى شەكتەۋلى، سوندىقتان قوسىمشا جاڭارمايىنشا كلۋبقا جاڭا ادامداردى قوسۋ قيىنداۋ.
ەگەر كلۋب مۇشەلەرى تەك الماتى مەن نۇر- سۇلتاندا تۇراتىن ادامدارعا كومەكتەسەدى دەپ ويلاساڭىز، اسىعىس شەشىم شىعارماۋعا كەڭەس بەرەمىز. "دجەنتلمەندەر كلۋبى" قازاقستاندى ارالاپ، وڭىردە ءومىر سۇرەتىن وتانداستارىمىزدىڭ پروبلەمالارىن شەشۋگە تىرىسادى ەكەن.
"ب ا ق- تا كوبىنەسە ءىرى قالالارداعى كوپبالالى، تۇرمىسى ناشار جانۇيالاردىڭ جاعدايى ايتىلىپ جاتادى. ال وڭىردە دە نە ىستەرىن، كىمنەن كومەك سۇرارىن بىلمەي وتىرعان كوپبالالى قازاقستاندىقتار بار. ولاردىڭ بارلىعىنا كومەكتەسكىمىز كەلەدى. الايدا، ءبىز مەملەكەت ەمەسپىز، ءبىزدى ەشكىم قارجىلاندىرمايدى. "ەكى قايىقتىڭ باسىن ۇستاعان سۋعا كەتەدى" دەمەكشى، ءبىز بىرنەشە جانۇياعا كومەكتەسۋگە نيەتتەنسەك تە، تاڭداۋىمىزدى ءبىر جانۇياعا توقتاتتتىق. ءوز ارامىزدا داۋىس بەرۋ ارقىلى وتاعاسىنان ايىرىلىپ قالعان، بالالارىمەن اقتوبەدە تۇراتىن ايەلگە كومەكتەسەمىز دەپ شەشتىك. كلۋب مۇشەسى ءۇش بالانىڭ اناسى قانداي جاعدايدا ءومىر ءسۇرىپ جاتقانىن ءوز كوزىمەن كورىپ قايتتى.
ءبىر بالاسى د ت س پ- مەن اۋىراتىن ايەل ەسكى ءۇيدىڭ ءبىر بولمەسىن جالعا الىپ تۇرۋعا ءماجبۇر بولعان ەكەن. دجەنتلمەندەر اقشا جيناپ، وعان التى ميلليون تەڭگەگە باسپانا الىپ بەردى. باسقا كاسىپكەرلەر دە قوسىلىپ، ايەلگە پاتەرگە قاجەتتى جيھازدى سىيعا تارتتى، تاعى دا بىرەۋ ازىق- تۇلىك اكەلدى. جالپى، ورتاق ەسەپ وتىز مىڭ تەڭگەنى قۇرادى. سونىمەن قاتار، بيىل وتكەن "قازاقستان بارىسى - 2019" بايقاۋىندا وسكەمەندە تۇراتىن كوپبالالى جانۇياعا سەرتيفيكات تابىستادىق. سەرتيفيكات پاتەر ساتىپ الۋعا ارنالعان. كلۋب مۇشەسى قاجەتتى سوممانى تولىعىمەن ءوز قالتاسىنان شىعاردى"، - دەيدى ارمان قاشقىنبەكوۆ.
كلۋب مۇشەلەرى باعالايتىن ەڭ باستى دۇنيەلەردىڭ ءبىرى - ادامگەرشىلىك. بيىك لاۋازىمى، مارتەبەسى بولسا دا ادامدىقتان اينىماي، قولدان كەلگەنشە وتانداسىن قولداۋ - بۇل ورتانىڭ ۇرانىنا اينالىپ كەتكەن سىڭايلى. كلۋبتاعى ءبىر ادام جاقسىلىق جاساسا، سىيلاستىقتىڭ بەلگىسى رەتىندە ونىڭ اتىنا دجەنتلمەن دەگەن ءسوزدى جالعاپ قۇرمەت كورسەتۋ ولاردىڭ داعدىسىنا اينالىپ كەتكەندەي.
"ءار دجەنتلمەننىڭ جەكە جۇمىستارى، بالا- شاعاسى بار. ءبىراق ءارقايسىسى كومەككە مۇقتاج، جاعدايى ناشار ادامعا قول ۇشىن سوزۋعا دايىن. مەنىڭ ويىمشا، ءبىزدىڭ توپتىڭ ەرەكشەلىگى - ماڭىزدى جوبانى، جاقسى يدەيانى كلۋبتاعى 257 ادامنىڭ بارلىعى ءبىر- بىرىمەن جارىسىپ ۇسىناتىندىعىندا جاتىر. مىسالى، 2019 -جىلدىڭ اقپانىندا نۇر- سۇلتاندا ءتىلسىز جاۋدىڭ كەسىرىنەن بەس قىز دۇنيەدەن وزىپ كەتكەندە كلۋب مۇشەلەرى جۇدىرىقتاي جۇمىلىپ، كومەك كورسەتتى. ءورت شىققان كوكتال اۋدانىنداعى ۇيلەرگە 200 ءيىس گازى سەزبەگىن قويىپ شىقتى. قۇرىلعىلاردى ورناتپاس بۇرىن ءبىز قالا اكىمدىگىنەن رۇقسات الدىق. اكىمدىك، سوسىن ەلدە بولعان جاعدايلارعا بەيجاي قارامايتىن ازاماتتار قولداۋ كورسەتىپ، ءبىزدىڭ جوبامىزعا قوسىلدى. تەلەديداردان ء"بىر ۇيدە گاز سەزبەگىنىڭ ارقاسىندا وتباسى ورتتەن امان قالدى" دەگەن جاڭالىقتى ەستىپ قالعاندا ەڭبەكتىڭ دالاعا كەتپەگەنىن ءتۇسىنىپ، قۋانىپ قالامىن"، - دەيدى كلۋب نەگىزىن قالاعان ازامات.
2013 -جىلدان بەرى تالاي جاندى قيىن جاعدايدان قۇتقارىپ، ريزالىعىنا بولەنىپ جۇرگەن كلۋبتىڭ ءىسى العا باسۋىنا تىلەكتەسپىز.