+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قازاقستانعا 256 قانداسىمىز كوشىپ كەلدى

17 مامىر 20:29
:ءبولىسۋ
قازاقستانعا 256 قانداسىمىز كوشىپ كەلدى

نۇر-سۇلتان. قازاقپارات - 2021-جىلى 13- مامىر كۇنى تۇرىكمەنستان رەسپۋبليكاسىنان 256 قانداسىمىز «تۇرىكمەن دەميرەللارى» مەملەكەتتىك اگەنتتىگى ارقىلى «تۇرىكمەنباشى - بولاشاق - جاڭاوزەن» باعىتى بويىنشا ەلىمىزدىڭ جاڭاوزەن قالاسىنا جەتكىزىلدى.

بۇل تۋرالى قازاقپارات «وتانداستار» ۇيىمىنا سىلتەمە جاساپ حابارلايدى.

قانداستار وتىرعان ارنايى پويىزدا 8 جولاۋشىلار، 2 جۇك ۆاگونى جانە 1 ديزەل لوكوموتيۆى بار. پويىز 12- مامىر كۇنى ساعات 17:20 دا «تۇرىكمەنباشى» ستانتسياسىنان جولعا شىعىپ، «بولاشاق» ستانسياسى ارقىلى «جاڭاوزەن» قالاسىنىڭ ستانتسياسىنا 19:00 دە كەلىپ جەتتى.

قانداستاردى قارسى الۋ جۇمىستارىن ۇيىمداستىرۋعا ق ر سىرتقى ىستەر مينيسترلىگى، اقپارات جانە قوعامدىق دامۋ مينيسترلىگى، دەنساۋلىق ساقتاۋ مينيسترلىگى، مەملەكەتتىك شەكارا قىزمەتى، ماڭعىستاۋ وبلىسى اكىمدىگى، «قازاقستان تەمىر جولى» ا ق، «وتانداستار قورى» ك ە ا ق پەن دۇنيەجۇزى قازاقتارى قاۋىمداستىعى وكىلدەرى اتسالىستى.

ەلگە كەلگەن قانداستاردىڭ ۆيزالىق قۇجاتتارى تولىق دايىن، جۇقپالى ىندەتكە قاتىستى پ ت ر تەست انىقتامالارى بەرىلگەن.

«ەلگە ەل قوسىلسا - قۇت» دەگەندەي تۇركىمەن جەرىنەن كەلگەن كوشتىڭ ەكىنشى كەرۋەنى اتاجۇرتقا ات باسىن بۇردى.

وسىعان دەيىن اقپان ايىنىڭ سوڭىنا قاراي تۇرىكمەنستاننان 153 قانداسىمىز كوشىپ كەلگەن ەدى.

ءبىر قۋانارلىعى ەل تاۋەلسىزدىگىنىڭ 30 جىلدىعىنا بايلانىستى سىرتتاعى قانداستاردىڭ ەلگە كەلۋى قايتا جاندانا باستادى.

ۇرپاعىنىڭ كەلەشەگىن، اتاجۇرتىنىڭ بولاشاق دامۋىن ويلاعان قانداستارىمىز ەلگە قۇر قول كەلگەن جوق. ءوز ماماندىقتارى بويىنشا جۇمىس ىستەپ، قوسىمشا ماماندىق يگەرەتىن بولادى»، - دەلىنگەن حابارلامادا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات