ماڭعىستاۋعا تۇرىكمەنستاننان تاعى 256 قانداس كوشىپ كەلدى

اقتاۋ. قازاقپارات - ماڭعىستاۋعا تۇرىكمەنستاننان 256 قانداس كوشىپ كەلدى، دەپ حابارلايدى قازاقپارات ءتىلشىسى دۇنيەجۇزىلىك قازاقتار قاۋىمداستىعىنىڭ ماڭعىستاۋ وبلىستىق فيليالىنا سىلتەمە جاساپ.

بۇل تۇرىكمەنستان جەرىنەن اتاجۇرتقا ات باسىن بۇرعان كوشتىڭ ەكىنشى كەرۋەن. ارنايى پويىز 12 - مامىردا «تۇرىكمەنباشى» ستانسياسىنان شىعىپ 13 - مامىردا ساعات 12:00-دە «بولاشاق» ستانسياسىنا، ودان ءارى «جاڭاوزەن» ستانسياسىنا كەلدى.

تاريحي وتانىنا كوشۋگە نيەت بىلدىرگەن قانداستاردىڭ ۆيزالىق قۇجاتتارى تولىق دايىن جانە ولاردىڭ COVID-19 ىندەتىنە قاتىستى ءتيىستى پ ت ر تەستىلەۋدىڭ انىقتامالارى بار. الداعى ۋاقىتتا قانداستار وزدەرىنىڭ قالاۋى بويىنشا ەلىمىزدىڭ كەز كەلگەن وڭىرىنە قونىستانا الادى. ەلگە كەلگەن قانداستار سولتۇستىك وڭىرلەرگە قونىس اۋدارعان جاعدايدا ولار ارنايى وڭىرلىك كۆوتالارمەن قامتىلادى.

ايتا كەتەيىك، بۇعان دەيىن تۇرىكمەنستاننان 153 قانداس تاريحي وتانىنا ورالعانىن جازعان ەدىك.

اۆتور: قاراكوز مارات