وڭتۇستىك كورەيادا تاعى 256 ادام كوروناۆيرۋس جۇقتىردى

None
None
سەۋل. YONHAP - قازاقپارات - جۇما كۇنى وڭتۇستىك كورەيا تاعى 256 ادامنىڭ كوروناۆيرۋس جۇقتىرعانىن مالىمدەدى.

وسىلايشا ەلدە دەرتكە شالدىققانداردىڭ سانى 2022 گە جەتتى، دەپ حابارلايدى قازاقپارات Yonhap-قا سىلتەمە جاساپ.

ەل بيلىگى تۇرعىنداردى جاپپاي تەكسەرىستەن وتكىزۋ ارقىلى قاۋىپتى ۆيرۋستىڭ تارالۋىنا قارسى كۇرەسىپ جاتىر.

قازىرگى ۋاقىتتا وڭتۇستىك كورەيادا قىتايدا پايدا بولعان ۆيرۋستان 13 ادام ومىردەن ءوتتى.

راستالعان جاعدايلاردىڭ جارتىسىنان كوبى وڭتۇستىك-شىعىستاعى تەگۋ قالاسىنداعى ءدىني سەكتاعا بارعاندار.

256 وقيعانىڭ 182 ءى سەۋلدەن وڭتۇستىك شىعىسقا قاراي 300 شاقىرىم جەردە ورنالاسقان تەگۋ قالاسىندا، ال 49 ى كورشىلەس سولتۇستىك كەنساندا تىركەلگەن.

باسقا دا ءىرى پروۆينتسيالار مەن قالالار بىرنەشە ىندەت جۇقتىرعان ادام تۋرالى حابارلادى. ەل استاناسى سەۋلدە التى ادام ۆيرۋس جۇقتىردى، دەلىنگەن كورەي اۋرۋلاردى باقىلاۋ جانە الدىن الۋ ورتالىعىنىڭ (KCDC) مالىمدەمەسىندە.

جەكسەنبى كۇنى ۆيرۋستى ەسكەرتۋ دارەجەسى ەڭ جوعارعى - «قىزىلعا» كوتەرىلگەننەن كەيىن دەنساۋلىق ساقتاۋ ورگاندارى ۆيرۋستىڭ وڭتۇستىك كورەياداعى وشاعى - تەگۋ مەن سولتۇستىك كەنسان پروۆينتسياسىندا تارالۋىن توقتاتۋعا تىرىسىپ جاتىر.

ساراپشىلاردىڭ ايتۋىنشا، جاقىن كۇندەرى ۆيرۋس جۇقتىرعاندار سانى ارتادى. سەبەبى دەنساۋلىق ساقتاۋ ورگاندارى «سينچحوندجي ييسۋس شىركەۋى» ءدىني سەكتاسىنىڭ 210 مىڭنان استام مۇشەسىن تەكسەرۋدى جوسپارلاپ وتىر.


سوڭعى جاڭالىقتار