+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ۇلتتىق جوبا: 250 جاڭا مادەني نىسان سالىنىپ، وتاندىق فيلمدەر ۇلەسى ارتادى

21 قازان 17:02
:ءبولىسۋ
ۇلتتىق جوبا: 250 جاڭا مادەني نىسان سالىنىپ، وتاندىق فيلمدەر ۇلەسى ارتادى

نۇر- سۇلتان. قازاقپارات - 250 جاڭا مادەني نىسان سالىنادى. بۇل تۋرالى ورتالىق كوممۋنيكاتسيالار قىزمەتىندە «ۇلتتىق رۋحاني جاڭعىرۋ» ۇلتتىق جوباسىنىڭ ماقساتىن ءتۇسىندىرۋ كەزىندە ق ر اقپارات جانە قوعامدىق دامۋ ءمينيسترى ايدا بالايەۆا ايتتى، دەپ حابارلايدى قازاقپارات ءتىلشىسى.

«ەكىنشى باعىت «ەل رۋحى» دەپ اتالادى جانە مادەنيەت سالاسىندا قىزمەتتەردىڭ قولجەتىمدىگىن ارتتىرۋ بويىنشا ءىس- شارالار كەشەنىن قامتيدى، سونداي- اق شەتەلدە وتاندىق مادەني ءونىمدى دارىپتەپ، تانىمال ەتۋ ەسكەرىلگەن. بۇل ماقساتتا ىرىكتەلگەن 13 ءىس- شارا جانە 2025 -جىلعا قاراي 5 ناقتى كورسەتكىشكە جەتۋ جوسپارلانعان»، - دەدى ا. بالايەۆا.

وسى ورايدا ينفراقۇرىلىمدى دامىتۋ، ونىڭ ىشىندە جاڭا مادەني نىسانداردى سالۋ ارقىلى مادەنيەت سالاسىنىڭ قىزمەتىمەن اۋىلدار مەن شالعايداعى ەلدى مەكەندەردىڭ 92,5 پايىز تۇرعىنى قامتىلادى. مادەنيەت نىساندارىنا تۇرعىنداردىڭ بارۋىن ەكى ەسەگە ارتتىرۋ جوسپارلانعان. بۇل ماقسات ءۇشىن 250 جاڭا مادەني نىسان سالىنىپ، 1200 نىسان كۇردەلى جوندەۋدەن وتكىزىلەدى.

ءمينيستردىڭ ايتۋىنشا، ەلدىڭ شىعارماشىلىق الەۋەتىن تىكەلەي قولداۋ ارقىلى وتاندىق مادەني ءونىمدى جاڭعىرتۋ جۇيەسى قۇرىلادى. سونىڭ ىشىندە كينوپروكاتتاعى وتاندىق فيلمدەردىڭ ۇلەسىن 25 پايىزعا دەيىن جەتكىزۋ، «قازاق انيماتسيا» شىعارماشىلىق بىرلەستىگى بازاسىندا 40 انيماتسيالىق فيلم جاساۋ ەسكەرىلگەن. مۇنىمەن قوسا، شىعارماشىلىق بولاشاعى بار تالانتتاردىڭ 150 جوباسىنا قولداۋ جاسالماق. ا. بالايەۆا ءوز سوزىندە «Е-culture.kz» ءبىرىڭعاي ەلەكتروندى پلاتفورما جوباسىنا توقتالدى. جوبا وتاندىق مادەنيەتتىڭ بارلىق جەتىستىكتەرىنە ەركىن رەجيمدە ونلاين تۇردە قول جەتكىزۋگە مۇمكىندىك بەرەدى.

«جەر شارىنىڭ كەز كەلگەن نۇكتەسىنەن، ۇيدەن شىقپاي- اق، ءبىزدىڭ مۇراجايلار مەن تەاترلارعا، كىتاپحانالارعا جانە باسقا دا مادەني كورىكتى جەرلەرگە بارۋعا بولادى»، - دەدى ۆەدومستۆو باسشىسى.

ق ر اقپارات جانە قوعامدىق دامۋ ءمينيسترى ايدا بالايەۆا «ۇلتتىق رۋحاني جاڭعىرۋ» ۇلتتىق جوباسىن قارجىلاندىرۋ جۇمىستارىن ايتتى.

وسى ورايدا ۇلتتىق جوبانىڭ شوعىرلاندىرىلعان بيۋدجەتى 119 ميلليارد تەڭگەنى قۇرادى. جوبا 2025 -جىلعا دەيىن جۇزەگە اسىرىلادى»، - دەدى ا. بالايەۆا ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، بۇل سومانىڭ نەگىزگى بولىگى رەسپۋبليكالىق بيۋدجەتتەن بولىنەدى، ياعني 110 ميلليارد تەڭگە ەسكەرىلگەن. ال 9 ميلليارد تەڭگە جەرگىلىكتى بيۋدجەتتەن قاراستىرىلعان. باعىتتالاتىن ءار تەڭگەنى ماماندار ەسەپتەپ، ءار جوبا تىڭعىلىقتى قارجىلىق ساراپتامادان وتكەن. وسى جوبالاردى جۇزەگە اسىرۋ بارىسى ۇنەمى تۇراقتى باقىلاۋدا بولادى. سونىمەن قاتار جوبانى جۇزەگە اسىرۋ كەزىندە ينۆەستيتسيالار دا تارتىلماق.

«بۇل ۇلتتىق جوبا اياسىندا اتقارىلاتىن كوپ جۇمىستىڭ نەگىزگى باعىتتارى عانا. جوعارىدا ايتقانىمداي، ونى ىسكە اسىرۋ ءۇشىن ءۇش بىردەي مينيسترلىكتىڭ كۇشى جۇمىلدىرىلىپ، ناقتى ناتيجەلەرگە قول جەتكىزەتىن بولامىز. ال ەندى تۇتاستاي العاندا، جوبا قوعامدىق سانانى جاڭعىرتۋ مەن ستراتەگيالىق مىندەتتەردى شەشۋدەگى ۋاقىت سىناعىنا لايىقتى جاۋاپ بەرەتىن قۇجات بولاتىنىنا ءبىز سەنىمدىمىز»، - دەدى ۆەدومستۆو باسشىسى.

بۇدان بۇرىن حابارلانعانداي، ا. بالايەۆا «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى ماقساتىن ايتتى. ۇلتتىق جوباداعى ەكىنشى باعىت«ەل رۋحى» دەپ اتالادى جانە مادەنيەت سالاسىندا قىزمەتتەردىڭ قولجەتىمدىگىن ارتتىرۋ بويىنشا ءىس- شارالار كەشەنىن قامتيدى. سونىمەن قاتار مينيستر مەملەكەتتىك تىلگە قوعامنىڭ سۇرانىسى ارتىپ كەلە جاتقانىن اتاپ ءوتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات