باتىس قازاقستاندا 250 مۇعالىمنەن كوروناۆيرۋس انىقتالدى
ب ق و سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستايەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەنىندەي، ولاردىڭ 237 ءسى ءداستۇرلى سيپاتتا، 13 ءى قاشىقتان ساباق بەرەدى. سونداي-اق وسى مەرزىمدە 554 وقۋشىدان (296 سى ءداستۇرلى تۇردە، 258 ءى قاشىقتان ءبىلىم الادى) ىندەت تابىلدى. ال وقۋ جىلى باستالعالى 1186 وقۋشى (547 ءسى ءداستۇرلى سيپاتتا، 547 ءسى قاشىقتان) كوروناۆيرۋس جۇقتىردى.
نۇرلىبەك ەرمەك ۇلىنىڭ سوزىنە قاراعاندا، كۇنى بۇگىن قالا مەن اۋدانداردىڭ باس مەملەكەتتىك سانيتار دارىگەرلەرىنىڭ قاۋلىسىنا سايكەس 3 مەكتەپ، 26 مەكتەپتەگى 51 سىنىپ، 5 بالاباقشادا 6 توپ، 1 شاعىن ورتالىق كارانتينگە جابىلدى.
«1- مامىردان بەرى وبلىستا 2272 ادام كوروناۆيرۋسپەن اۋىرسا، سونىڭ 56,8 پايىزى (1291) جرۆي بەلگىلەرى بويىنشا تەكسەرىلگەن، 32,4 پايىزى (738) بۇرىن سىرقاتتانعاندارمەن قارىم-قاتىناستا بولعان. 9,7 پايىزى (222) پروفيلاكتيكالىق ماقساتتا قارالسا، 0,9 پايىزىنان (21) ستاتسيونارعا جاتقىزار الدىندا سىناما الىنعان.
وسى ايدا 45199 پ ت ر تەست زەرتتەۋلەرى (ورتا ەسەپپەن كۇنىنە 2259) جۇرگىزىلدى. سوڭعى اپتادا (14-20- مامىر) الدىڭعىعا (7-13- مامىر) قاراعاندا، ىندەت جۇقتىرۋ كورسەتكىشى 8,2 پايىزعا (786 دان 721 گە) تومەندەدى»، دەدى ن. مۇستايەۆ.
ەسكە سالا كەتەيىك، بۇدان بۇرىن باتىس قازاقستاندا 65 مىڭعا جۋىق ادامنىڭ كوروناۆيرۋسقا قارسى ەكپە العانىن جازعان ەدىك.