شەكارادان 250 ميلليون تەڭگەگە باعالانعان التىندى الىپ وتپەك بولعان ادام ۇستالدى
2020-جىلعى 27- شىلدەدە ق ر ۇ ق ك ش ق قوستاناي وبلىسى بويىنشا دەپارتامەنتىنىڭ قىزمەتكەرلەرى «قايراق» اۆتوموبيل وتكىزۋ پۋنكتىندە نۇر-سۇلتان قالاسىنان رەسەي فەدەراتسياسىنىڭ چەليابينسك وبلىسىنا كەتىپ بارا جاتقان جۇك اۆتوماشيناسىن تەكسەرۋ كەزىندە جالپى سالماعى شامامەن 10 توننا بولاتىن 12 كولەمدى قاپقا سالىنعان التىنى بار كەندى انىقتادى.
قۇجات بويىنشا جۇك «كۆارتسيت» رەتىندە رەسىمدەلگەن. ساراپشىلاردىڭ پىكىرى بويىنشا، التىنى بار 1 توننا كەننەن 1 كەلىگە دەيىن تازا التىن شىعادى، ق ر ۇلتتىق بانكىنىڭ دەرەكتەرى بويىنشا، 1 گرام التىننىڭ قۇنى - 25213 تەڭگە. الدىن الا باعالاۋعا سايكەس الىنعان ءونىمنىڭ سوماسى شامامەن 250 ميلليون تەڭگەنى قۇراۋى مۇمكىن. ۇستالعان جۇك پروتسەسسۋالدىق باعا بەرۋ ءۇشىن قوستاناي وبلىسى بويىنشا مەملەكەتتىك كىرىستەر دەپارتامەنتىنە تاپسىرىلدى.