كوروناۆيرۋس: قاراعاندى وبلىسىنا 250 مىڭ مەديتسينالىق ماسكا جەتكىزىلدى
بۇل اقپارات ەلدەگى توتەنشە جاعداي رەجيمى وتەتىن ۋاقىت ارالىعىندا كۇن سايىن جاڭارتىلىپ وتىرادى، دەپ حابارلايدى قازاقپارات ءتىلشىسى.
قازىرگى تاڭدا 47 قاراعاندىلىق كارانتيندە جاتىر، ولار تاۋلىك بويىنا دارىگەرلەردىڭ باقىلاۋىندا. ولاردىڭ بارلىعى 1ا - يتاليا، يران، وڭتۇستىك كورەيا، ق ح ر مەملەكەتتەرىنەن كەلگەن. ءۇي كارانتينىندە - 52 ادام، مەديتسينالىق باقىلاۋدا - 155 ادام جاتىر. تاعى 260 ادام دارىگەرلەردىڭ قاشىقتان مونيتورينگىلەۋ شاراسىمەن قامتىلعان. ولاردا كوروناۆيرۋس بەلگىلەرى جوق.
«بۇگىنگى تاڭدا 250 مىڭ بەتپەردە اكەلىنىپ، ولار «بيوسفەرا» ءدارىحاناسىنا جەتكىزىلۋدە. اپتا سوڭىنا دەيىن وڭىرگە تاعى 200 مىڭ بەتپەردە جەتكىزىلەدى»، - دەدى ەرجان نۇرلىبايەۆ.
ەستەرىڭىزگە سالا كەتەيىك، وڭىردە دەزينفەكتسيالىق ەرىتىندىلەر ءوندىرىسى بار.
«دەزينفەكتسيالىق قۇرالداردىڭ الىپساتارلارىنىڭ جولىن كەسۋ ءۇشىن ولار دەنساۋلىق ساقتاۋ باسقارماسىنىڭ رۇقسات قاعازى بويىنشا بەرىلەدى. ءبىزدىڭ ءىس-ارەكەتتەرىمىزدىڭ اشىقتىعىن قامتاماسىز ەتۋ ءۇشىن ءبىز الەۋمەتتىك جەلىلەردە دەزينفەكتسيالىق قۇرالداردى الاتىن كۇندەر، تيەۋ كولەمى جانە ول قۇرالداردى الۋشىلار تۋرالى اقپاراتتى ورنالاستىراتىن بولامىز»، - دەپ اتاپ ءوتتى دەنساۋلىق ساقتاۋ باسقارماسىنىڭ باسشىسى.
ول سونداي-اق وبلىستا ماسكالار مەن انتيسەپتيكتەردى ساتىپ الۋعا قاراجات بولىنەتىنىن ايتتى. ولار دەنساۋلىق ساقتاۋ، پوليتسيا، ح ق ك و جانە باسقا دا بولىمشەلەردىڭ قىزمەتكەرلەرىن قامتاماسىز ەتەدى. بۇلار ادامدارمەن تۇراقتى ءارى تىعىز بايلانىستا جۇمىس ىستەيتىن ورگان وكىلدەرى. قاراعاندى وبلىسىنىڭ ستاتسيونارلارىندا كارانتين جاريالاندى. كەلۋشىلەردى ناۋقاسقا كىرگىزبەيدى، ءبىراق قاجەتتى زاتتار مەن ازىق-تۇلىكتەردى بەلگىلەنگەن ۋاقىتتا بەرۋگە بولادى.
دەنساۋلىق ساقتاۋ باسقارماسىنىڭ ماماندارى ت ج رەجيمى كەزىندە ادامدار كوپ جينالاتىن جەرلەرگە بارۋدان باس تارتۋدى سۇرايدى. قازاقستاندىقتارعا ۇيدە قالۋعا، وتباسىلىق سالتاناتتاردان جانە ەستەلىك ءىس-شارالار وتكىزۋدەن باس تارتۋعا كەڭەس بەرەدى.
كوروناۆيرۋستى الدىن الۋ ءۇشىن قولدى جانە بەتتى سابىنمەن ءجيى جۋۋ قاجەت. ج ر ۆ ي بەلگىلەرى انىقتالعان جاعدايدا دارىگەردى ۇيگە شاقىرۋ كەرەك.
ايماقتا COVID-19 ۆيرۋسى تۋرالى اقپاراتقا الۋ ءۇشىن دەنساۋلىق ساقتاۋ باسقارماسىنىڭ 8721255559 شۇعىل جەلى تەلەفونى بويىنشا حابارلاسۋعا بولادى.