تاياۋ شىعىستاعى شيەلىنىس: دوللار باعامى 250 تەڭگەگە دەيىن تۇسە ما؟

None
None
نۇر-سۇلتان. قازاقپارات - ساراپشى دەنيس كريۆوشەيەۆ تاياۋ شىعىستاعى شيەلىنىس ۋشىقسا دوللار باعامى 250-270 تەڭگە دەڭگەيىن تۇسەتىنىن بولجادى دەپ حابارلايدى Zakon.kz.

ەكونوميكالىق شولۋشى «تاياۋ شىعىستاعى قاقتىعىستىڭ ۋشىعۋى جالعاساتىن بولسا، بۇدان وسى ماسەلەدەن الشاق تۇرعان مۇناي ءوندىرۋشى ەلدەر ۇتادى» دەگەن الەمدىك ساراپشىلاردىڭ پىكىرىمەن كەلىسەتىنىن مالىمدەدى.

ولارعا رەسەي، قازاقستان، ءازىربايجان سىندى مەملەكەتتەر جاتادى.

دەنيس كريۆوشەيەۆ بۇل ەلدەردىڭ ۆاليۋتالارى قوسىمشا قولداۋعا يە بولاتىنىن جانە ايماقتا دوللار تاپشىلىعى بىرتىندەپ جويىلاتىنىن جەتكىزدى.

«ەگەر قاقتىعىس ۋشىعىپ، مۇنايدىڭ ءبىر باررەلى 100-120 دوللارعا دەيىن جەتسە، وندا ءبىز دوللاردىڭ باعامى 250-270 تەڭگە دەڭگەيىندە بولادى دەپ بولجاۋىمىزعا بولادى»، - دەدى ساراپشى.

ول دوللاردىڭ قۇلدىراۋى ەل ەكونوميكاسىنا پايدا الىپ كەلمەيتىنىن اشىپ ايتتى.

«ودان ءبىز جاقسى بولىپ كەتپەيمىز. ياعني، قازىرگى ەكونوميكالىق جاعدايىمىزدا تەڭگەنىڭ نىعايۋى ەكونوميكانىڭ تۇبەگەيلى جاقسارۋىنا الىپ كەلمەيدى. سەبەبى بۇل جاعدايدا ءبىز تاعى دا سىرتتان ۇلكەن مولشەردە دوللارمەن تابىس تاۋىپ، سوعان مالدانعان مەملەكەت قايتادان كاسىپكەرلىكتى دامىتۋعا جاعداي جاساۋدا بوساڭسي باستايدى. كەينسيانيزمگە، ياعني مەملەكەت ءوزى باسشى ءارى جۇمىس بەرۋشى بولاتىن ەكونوميكاعا قايتا ورالامىز. ال جەكە كاپيتالدى دامىتۋ مەن قولداۋ كىلت توقتايدى»، - دەپ ءتۇسىندىردى دەنيس كريۆوشەيەۆ.

ەسكە سالا كەتەيىك، جاقىندا ا ق ش- تىڭ ارنايى وپەراتسياسى ناتيجەسىندە «ال-كۋدس» يسلام ريەۆوليۋتسياسى كۇزەتى كورپۋسىنىڭ قولباسشىسى - گەنەرال كاسەم سۋلەيماني قازا تاپتى. ارنايى وپەراتسياعا جاۋاپكەرشىلىكتى پەنتاگون ءوز موينىنا الىپ، گەنەرالدى ءولتىرۋ تۋرالى بۇيرىقتى پرەزيدەنت ترامپتىڭ ءوزى بەرگەنىن مالىمدەدى.

وسىلايشا، ا ق ش باعداتتاعى ەلشىلىكتەرىنە جاسالعان شابۋىلعا جاۋاپ قايتاردى. اتالعان وقيعادان كەيىن تەگەران قاتاڭ تۇردە كەك الۋعا ۋادە بەرگەن بولاتىن.

وسىدان كەيىن يران ا ق ش- تىڭ يراكتاعى اسكەري بازاسىنا ەكىنشى زىمىران ۇشىراتىنىن مالىمدەدى.

سونداي-اق يراندا قازا بولعان گەنەرالمەن قوشتاسۋ ءراسىمى كەزىندە دونالد ترامپتىڭ باسى ءۇشىن 80 ميلليون دوللار سىياقى تاعايىندالعان. بۇل قاراجات يراندىقتاردان جينالماق بولعانى ايتىلدى. دەگەنمەن يران بيلىگى بۇل اقپاردى رەسمي راستاعان جوق.

7- قاڭتاردا قازا تاپقان يراننىڭ اسكەري جەتەكشىلەرىنىڭ ءبىرى بولعان گەنەرال كاسسەم سۇلەيمانيانىڭ كىشى وتانى كەرمان قالاسىندا جەرلەۋ ءراسىمى ءوتتى. قالانىڭ ورتالىق الاڭىنا مىڭنان استام ادام جينالدى. كوپشىلىك قىسپاعىنىڭ سالدارىنان ەلۋگە جۋىق ادام جاراقات الىپ، وتىز بەس ادام قايتىس بولعان.

كەشە، 8- قاڭتاردا مەملەكەت باسشىسى قاسىم-جومارت توقايەۆ وسىعان بايلانىستى اقوردادا كەڭەس وتكىزدى.

قازاقستان پرەزيدەنتى پارسى شىعاناعى ايماعىنداعى احۋالدىڭ كۇرت شيەلەنىسۋىنە الاڭداۋشىلىق ءبىلدىرىپ، اتالعان ءىس-قيمىلدارعا قاتىسۋشى تاراپتاردىڭ بارىنشا ۇستامدىلىق تانىتۋى قاجەتتىگىن ايتىپ، قاقتىعىستاردى ديپلوماتيالىق ءادىس-تاسىلدەرمەن، ەڭ الدىمەن، بۇل ىسكە ب ۇ ۇ ارالاستىرا وتىرىپ، سونداي-اق ەكىجاقتى بايلانىستار مەن كەلىسسوزدەر ارقىلى رەتتەۋ مۇمكىن ەكەنىن اتاپ ءوتتى.

سوڭعى جاڭالىقتار