قازاقستاندىق جاستار افريكاداعى 250 ادامعا اۋىزاشار اسىن بەردى

None
None
نۇر-سۇلتان. قازاقپارات - قازاقستاندىق ءبىر توپ جاس افريكا ەلىندە تۇراتىن مۇسىلمان جۇرتشىلىعىنا اۋىزاشار اسىن بەردى، دەپ حابارلايدى قازاقپارات ءتىلشىسى.

داستارحان 250 ادامعا جايىلعان. ۇيىمداستىرۋ جۇمىستارىن افريكاداعى مۇسىلمان حالقىنا اۋىزاشار بەرەتىن قور قولعا العان. الماتى قالاسى مەن اقتوبە وبلىسىنداعى 50 گە جۋىق بەلسەندى جاس سول قورعا اقشا اۋدارعان.

«قاسيەتتى رامازان ايىنداعى يگى ىستەردىڭ تورەسى - اۋىز اشتىرۋ. افريكا مۇسىلماندارى اۋىزدارىن قارا سۋمەن اشاتىنىن ەستىگەندە اس بەرۋ ويى تۋىندادى. ولاردىڭ كۇنكورىس دەڭگەيلەرى وتە تومەن. اۋىزاشار باعدارلاماسى بويىنشا ءبىر ادامدى تاماقتاندىرۋعا 1 دوللار، ياعني 380 تەڭگە شاماسىندا جۇمسالادى ەكەن. قازاقستاندا بۇل باعا ءبىر ادامعا - 600-1500 تەڭگە. ونىڭ ۇستىنە، ەلىمىزدە اۋىزاشار بەرىپ جاتقاندار وتە كوپ. وڭىرلەردەگى ءاربىر مەشىتتە دە ولار كۇندەلىكتى تەگىن ۇيىمداستىرىلادى. اتالمىش ەلدەگى حالىقتىڭ جاعدايىنا قاراپ شۇكىرشىلىك ەتسەك دەگەن وي»، - دەيدى ۇيىمداستىرۋشىلاردىڭ ءبىرى ەرجان ميزاموۆ.

Қазақстандық жастар АфрикадаÒ

ونىڭ ايتۋىنشا، الداعى كۇندەرى ەلىمىز جاستارى مىسىردا ءبىلىم الىپ جاتقان 80 گە جۋىق قازاقستاندىق ستۋدەنتكە اۋىزاشار اسىن بەرۋدى جوسپارلاپ وتىر.

«ۇسىنىستار وتە كوپ تۇسۋدە. ونىڭ ىشىندە، قازاقستانداعى جاعدايى تومەن وتباسىلارعا قايىرىمدىلىق شارالارىن ۇيىمداستىرۋ بار»، - دەيدى ول.

ايتا كەتەيىك، 6- مامىر كۇنى باستالعان رامازان ايى 5- ماۋسىمعا دەيىن جالعاسادى. قاسيەتتى قادىر ءتۇنى - 31 مامىردان 1- ماۋسىمعا قاراعان ءتۇن. ال 5- ماۋسىم - ورازا ايتىنىڭ ءبىرىنشى كۇنى. بيىلعا بەلگىلەنگەن ءپىتىر- ساداقا كولەمى - 300 تەڭگە.

سوڭعى جاڭالىقتار