20:07, 21 - قاڭتار 2019 | GMT +6
شەكارادا 250 كەلىگە جۋىق يەسىز قىتاي ءدارى- دارمەگى تابىلدى
استانا. قازاقپارات - «قورعاس» حالىقارالىق شەكاراماڭى ىنتىماقتاستىعى ورتالىعىندا 4 قوراپ يەسىز قىتاي ءدارى- دارمەگى تابىلدى. بۇل تۋرالى ق ر ۇلتتىق قاۋىپسىزدىك كوميتەتىنىڭ شەكارا قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
«20 - قاڭتار كۇنى «قورعاس» شەكارالىق باقىلاۋ وتريادىنىڭ اۋماعىندا ورنالاسقان حالىقارالىق شەكاراماڭى ىنتىماقتاستىعى ورتالىعىنىڭ شەكارا كەزەكشىلىگى قىتايدا شىعارىلعان 4 قوراپ ءدارى- دارمەكتى تاۋىپ الدى. جالپى سالماعى - 94 كەلىدەن استام. يەسى انىقتالعان جوق» ، - دەلىنگەن تاراتىلعان اقپاراتتا.
ۆەدومستۆو مالىمەتىنشە، ءدال وسىنداي جاعداي ەكى كۇن بۇرىن دا ورىن العان.
«ول كەزدە شەكاراشىلار 152 كەلىگە جۋىق يەسىز ءدارى- دارمەك تاۋىپ العان ەدى. تابىلعان پرەپاراتتار اكتىلەنىپ «التىنكول» كەدەن بەكەتىنە تاپسىرىلدى» ، - دەدى ۇ ق ك- ءنىڭ شەكارا قىزمەتىنەن.