قازاقستان تاۋلىگىنە 250 مىڭ تونناداي مۇناي وندىرەدى

استانا. قازاقپارات - مۇناي ماسەلەسى ءبىزدىڭ ەل ءۇشىن دە ماڭىزدى. قارا التىن ءوندىرۋدى قىسقارتۋ مۇناي باعاسىنىڭ قىمباتتاۋىنا اسەر ەتەدى. باعانىڭ ءوسۋى قازاقستانعا ءتيىمدى.

سەبەبى، ەلىمىز مۇناي قورىنان دا، ەكسپورت كولەمىنەن دە العاشقى 15 مەملەكەتتىڭ قاتارىنا كىرەدى. قازىر قازاقستان تاۋلىگىنە 250 مىڭ تونناداي مۇناي وندىرەدى. ەگەر قارا التىن باعاسى وسسە، ەل قازىناسىنا تۇسەتىن قارجى كولەمى دە ارتۋى مۇمكىن.

قازاقستان ەنەرگەتيكا مينيسترلىگىنىڭ مالىمدەۋىنشە، ءبىزدىڭ ەل جىل اياعىنا دەيىن 89 ميلليون توننادان اسا مۇناي ءوندىرۋدى جوسپارلاپ وتىر. «بۇل كورسەتكىش كەلەسى جىلى دا وسى دەڭگەيدە بولادى»، - دەيدى مينيسترلىك وكىلدەرى.

نۇرلىبەك جەڭىسبەك، ەنەرگەتيكا مينيسترلىگى قوعاممەن بايلانىس دەپارتامەنتى باسشىسىنىڭ ورىنباسارى:

 - جالپى بيىلعى 11ايىنىڭ قورىتىندىسى بويىنشا 82,4 ميلليون توننا مۇناي وندىرىلگەن. ونىڭ ىشىندە «تەڭىزشيەۆرويل» 26 ميلليون توننا، «قاراشىعاناق» 11 ميلليون توننا، «قاشاعان»، ياعني «نورت كاسپيان» كومپانياسى 12 ميلليون توننا مۇناي وندىرگەن. بيىلعى جىلعى جوسپار قورىتىندىسى بويىنشا 2018 -جىلى 89 ميلليوننان اسا مۇناي وندىرىلەدى دەپ كۇتىلۋدە. ال كەلەسى جىلعى جوسپار وسى 89 ميلليون توننانىڭ توڭىرەگىندە بولادى دەپ كۇتىلىپ وتىر. جالپى ورتا ەسەپپەن ايتقاندا تاۋلىگىنە 250 مىڭ تونناداي مۇناي وندىرىلەدى قازىرگى تاڭدا.

www.24.kz