قازاقستاندا العاش رەت 250 وقۋشى ۇلتتىق ءبىرىڭعاي تەستىلەۋدى اعىلشىن تىلىندە تاپسىرادى
«ءبىز گرانتتى الۋ كەزىندە وقۋعا تۇسەتىندەر ءۇشىن تەڭ جاعدايدى قامتاماسىز ەتۋگە ۋادە بەرگەن بولاتىنبىز. ءوز سوزىمىزدە تۇردىق. ەندى «التىن بەلگى» يەگەرى وزگە دە مەكتەپ تۇلەكتەرىمەن بالدارى تەڭ بولعان جاعدايدا عانا باسىمدىقتى قۇقىققا يە. جالپى، ۇ ب ت- نى تاپسىرۋ فورماتى بۇرىنعىسىنشا قالادى. تەك قانا سۇراقتاردىڭ ەلەۋلى كولەمى اۋىستى. بىلتىر سۇراقتاردىڭ 25 پايىزىن اۋىستىرعان ەدىك، بيىل تاعى دا 25 پايىزى وزگەردى»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ە. ساعاديەۆ اعىمداعى جىلى ۇ ب ت- نى اعىلشىن تىلىندە تاپسىرۋ مۇمكىندىگى ەنگىزىلگەنىن ەسكە سالىپ ءوتتى.
«250 گە جۋىق ادام العاش رەت ۇ ب ت- نى اعىلشىن تىلىندە تاپسىرادى دەپ كۇتىلۋدە. ءدال سول سۇراقتار ەنگىزىلەدى، ەشقانداي جەڭىلدىك بەرىلمەيدى. ياعني بۇل وقۋشىلاردىڭ وزدەرىنىڭ نيەتى بويىنشا جاسالىپ وتىر»، - دەدى مينيستر.
اۆتور: رۋسلان عابباسوۆ