ەكىباستۇزداعى اپات: قالا بويىنشا 2500 جىلۋ باتارەياسى اۋىستىرىلدى
«ساعات 19:00 دەگى اقپاراتقا سۇيەنسەك، قازىرگى ۋاقىتتا ءبىز ق. ساتبايەۆ 8 مەكەنجايى بويىنشا ورنالاسقان ءۇيدىڭ 6 كورپۋسى بويىنشا بارلىق جۇمىستاردى اياقتادىق. اتاپ ايتقاندا، كوتەرگىش قۇرىلعىلار مەن پاتەرلەردىڭ ىشىندەگى رەگيسترلاردى اۋىستىرۋ جۇمىستارى ءبىتتى. جالپى 20 پودەزدە جۇمىستار جۇرگىزىلىپ، اياقتالدى. سونىمەن بىرگە، كەشەدەن بەرى 5 -شاعىناۋدانىنداعى م. ءجۇسىپ 52 مەكەنجايىندا جوندەۋ جۇمىستارى جۇرگىزىلىپ جاتىر. قازىرگى تاڭدا 20 پودەزدىڭ ون تورتىندە مونتاجداۋ جۇمىستارى اياقتالدى»، - دەدى ەكىباستۇز قالاسىنىڭ اكىمى ايان بەيسەكين.
ونىڭ ايتۋىنشا، اتالعان ءۇيدىڭ قالعان 6 كىرەبەرىسى بويىنشا جوندەۋ جۇمىستارىن تاڭعى ساعات 08:00 گە دەيىن اياقتاۋ جوسپارلانعان.
«بۇل مەكەنجايدا ۇزاق جۇمىس ىستەپ جاتقانىمىزدىڭ سەبەبى - 1-9- قاباتقا دەيىنگى رەگيسترلەردىڭ تولىق مۇزداپ قالۋى. سوندىقتان ول كوپ ۋاقىتتى الىپ وتىر. سەبەبى وسى ۇيلەردە سۋدى درەناجداۋ بويىنشا جۇمىستار ۋاقىتىلى جۇرگىزىلمەگەن»، - دەپ توقتالدى قالا باسشىسى.
ايان بەيسەكيننىڭ مالىمدەۋىنشە، قازىرگى ۋاقىتقا دەيىن قالا بويىنشا 2500 جىلۋ باتارەياسى اۋىستىرىلعان. قويمادا قوسىمشا 4400 رەگيستر بار.