ۇجىمدىق قاۋىپسىزدىك شارت ۇيىمىنىڭ 2500 اسكەرى الماتىعا كەلدى

نۇر-سۇلتان. قازاقپارات - ۇ ق ش ۇ ۇجىمدىق بىتىمگەرشىلىك كۇشتەرىنىڭ 2500 اسكەرى الماتىعا كەلدى.

بۇل تۋرالى قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ ءمالىم ەتتى، دەپ حابارلايدى قازاقپارات ءتىلشىسى.

«ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاستىڭ اقپاراتىنا سايكەس، اسكەردىڭ جالپى سانى 2500 ادامدى قۇرايدى. ولاردىڭ بارلىعى الماتىعا كەلدى. اسكەريلەر ۇ ق ش ۇ-نىڭ بارلىق ەلدەرىنەن، اتاپ ايتقاندا، رەسەي، ارمەنيا، تاجىكستان، قىرعىزستان جانە بەلارۋستان جەتتى»، - دەدى ق ر سىرتقى ىستەر مينيسترلىگىندە ۇيىمداستىرىلعان بريفينگ بارىسىندا شاحرات نۇرىشەۆ.

ايتا كەتەيىك، ۇ ق ش ۇ ۇجىمدىق بىتىمگەرشىلىك كۇشتەرىنىڭ باستى مىندەتى - ماڭىزدى مەملەكەتتىك نىسانداردى قورعاۋ، ق ر قۇقىق قورعاۋ ورگاندارىنا جاعدايدى تۇراقتاندىرىپ، زاڭنىڭ ۇستەمدىك ەتۋىن قامتاماسىز ەتۋگە كومەكتەسۋ.

اۆتور: مارلان جيەمباي