ەر ادام ءوزىن «اۋليە» دەپ اتاپ، 2500 ايەلدى جۇكتى قىلماق بولدى
ءوزىن دجو دونور دەپ اتاعان ەر ادام اۋسترالياعا قاڭتار ايىندا كەلگەنىن ايتادى. ونىڭ سوزىنشە، بۇعان دەيىن ا ق ش- تا جانە وڭتۇستىك امەريكا مەملەكەتتەرىندە تۇرعان ەكەن. ەر ادام سول جاقتا 800 دەن اسا ايەلدى ۇرىقتاندىرۋعا تىرىسىپتى. بۇگىندە كەمىندە جۇزدەگەن بالانىڭ اكەسىمىن، دەيدى ول.
دجو دونور ءوزىن «اۋليە» دەپ اتايدى. ول ايەلدەردى پروبيركاداعى اتالىق ۇرىقتىڭ كومەگىمەن ەمەس، توسەك قاتىناسى ارقىلى جۇكتى قىلۋدى ءجون كورەدى. دجو دونوردىڭ پىكىرىنشە، بۇل ءادىس اناعۇرلىم ءتيىمدى. ءوز سوزىندە ول كليەنتتەرىنىڭ دەنى «تابيعي جولمەن ۇرىقتانۋدى» قۇپ كورەتىنىن ايتتى. ەر ادام ءوز قىزمەتى ءۇشىن اقشا المايدى، الايدا جولىنىڭ شىعىنىن وتەپ بەرۋىن سۇرايدى.
سونىمەن قاتار ول كليەنتتەرىنە ءوزى، تەگى جانە دەنساۋلىعى تۋرالى مالىمەتتەردى ۇسىنادى ەكەن.
«كەي ادامدار ءوزىم تۋرالى بارلىق مالىمەتتى بۇكپەسىز ايتىپ، ءتىپتى، ەسىرتكى شەگەتىن- شەكپەيتىنىمدى تەست ارقىلى تەكسەرگىسى كەلەدى. مەن ولارعا: «بىلەسىڭ بە، سەن ماعان يادرولىق زىمىراننىڭ تەتىگىن بەرىپ تۇرعان جوقسىڭ، ءبىز بار بولعانى بالا جاسايمىز» ، - دەپ جاۋاپ بەرەمىن» ، - دەيدى ول.
ءوز كەزەگىندە وتباسىلىق قۇقىق جونىندەگى مامان ستيۆەن پەيدج دونوردىڭ كليەنتتەرى مەن بولاشاق بالالارىنا قاتەر توندىرەتىنىن ايتادى.
«ول ءوزىن قۇداي سانايدى. الايدا ول ءسابيدى اڭساپ، تۇڭىلگەن ايەلدەردىڭ الدىندا ءوزىن قۇداي ءتارىزدى كورسەتپەۋى كەرەك. ەرتەلى- كەش ول ا ي ت ۆ جۇقتىرىپ، ونى تاعى باسقالارعا جۇقتىرادى. بۇل سۇمدىق» ، - دەيدى ستيۆەن پەيدج.
ال دونوردىڭ پىكىرىنشە ناعىز سۇمدىق - بۇل «ايەلدىڭ ءومىر بويى ءسابي سۇيە الماي، كارى قىز بولىپ ءولۋى» .