قازاقستاندا قازىرگى ۋاقىتتا 25 ادامنان كوروناۆيرۋس انىقتالىپ، 1 ادامنىڭ ءولىمى تىركەلدى

نۇر- سۇلتان. قازاقپارات - قازاقستاندا 15:40-تاعى جاعداي بويىنشا كوروناۆيرۋس انىقتالعان ادام سانى 525-كە جەتتى، دەپ حابارلايدى مەملەكەتتىك كوميسسيانىڭ شۇعىل شتابى.

«كوروناۆيرۋس ينفەكسياسىن جۇقتىرعان تاعى 25 ادام تىركەلدى، ولاردىڭ ىشىندە نۇر- سۇلتان ق. – 14، الماتى ق. – 1، قىزىلوردا وبلىسى – 2، اقمولا وبلىسى – 1، جامبىل وبلىسى – 1، شىمكەنت ق. – 1، اقتوبە وبلىسى – 3، الماتى وبلىسى – 1، قاراعاندى وبلىسى - 1» دەلىنگەن حابارلامادا.

اقمولا وبلىسىندا كوروناۆيرۋس ينفەكسياسىنان ءبىر ادام قايتىس بولدى. ەلىمىزدە كوروناۆيرۋس جۇقتىرۋ بويىنشا بارلىعى 525 جاعداي تىركەلگەن.

ولاردىڭ ىشىندە: نۇر- سۇلتان ق. – 216، الماتى ق. – 110، قىزىلوردا وبلىسى – 28، قاراعاندى وبلىسى – 27، سقو – 25، تۇركىستان وبلىسى – 23، اتىراۋ وبلىسى – 22، اقمولا وبلىسى – 20، شىمكەنت ق. – 13، الماتى وبلىسى – 10، جامبىل وبلىسى – 10، اقتوبە وبلىسى – 10، ش ق و – 4، ب ق و – 2، ماڭعىستاۋ وبلىسى - 3. پاۆلودار وبلىسى – 1، قوستاناي وبلىسى - 1.