ارمان سەيىتمامىت «حابار 24» تەلەارناسىنىڭ باس پروديۋسەرى قىزمەتىنە تاعايىندالدى

استانا. قازاقپارات - ارمان سەيىتمامىت «حابار 24» تەلەارناسىنىڭ باس پروديۋسەرى قىزمەتىنە تاعايىندالدى.

بۇل تۋرالى بۇگىن ءوزىنىڭ Facebook پاراقشاسىندا «حابار اگەنتتىگى» ا ق باسقارما ءتوراعاسى بەرىك ءۋالي جازدى، دەپ حابارلايدى قازاقپارات.

«حابار» اگەنتتىگىندەگى ەڭبەك جولىن 1997-جىلى باستاعان ارىپتەسىمىز ۇجىمدا 24 جىل بويى تابان اۋدارماي قىزمەت ەتتى. اتاپ ايتقاندا، جاڭالىقتار جۇرگىزۋشىسى، «24KZ» ارناسىنىڭ شەف-رەداكتورى، ديرەكتورى، «El Arna» تەلەارناسىنىڭ ديرەكتورى بولىپ، اگەنتتىكتىڭ قالىپتاسىپ، دامۋىنا ۇلەس قوستى.

ينتەرنەت ب ا ق سالاسىندا دا تاجىريبە جيناقتاپ، ەندى ۇجىمىمىزعا قايتا ورالدى. تاجىريبەسى مول، بىلىكتى ارىپتەسىمىز الداعى جاڭا تەلەماۋسىمعا ەرەكشە دايىندالىپ جاتقان «حابار 24» ارناسىنىڭ ءارى قاراي وركەندەۋى جولىندا جەمىستى ەڭبەك ەتىپ، تابىسقا جەتەدى دەپ سەنىم ارتامىز»، - دەلىنگەن جازبادا.