بىلتىر جول اپاتىنان كوز جۇمعان بالالار سانى 24 پايىز ارتقان

None
استانا. قازاقپارات - بىلتىر جول اپاتىنداعى بالا ءولىمى 24 پايىز ارتقان، دەپ حابارلايدى قازاقپارات ءتىلشىسى.

مينيسترلىكتىڭ قازاقپارات ساۋالىنا جولداعان جاۋابىندا 2022 -جىلى بالالاردىڭ قاتىسۋىمەن 3385 جول-كولىك وقيعاسى تىركەلگەنى ايتىلعان.

بۇل 2021 -جىلمەن سالىستىرعاندا 15 پايىز جوعارى (2021 -جىلى- 2939) كورىنەدى.

وسى وقيعالاردىڭ سالدارىنان قازا تاپقان بالالار سانى - 24 پايىز (2021 -جىلى – 200، 2022 -جىلى - 248)، ال جارالانعاندار سانى - 20 پايىز (2021 –جىلى – 3333، 2022 –جىلى - 3989) وسكەن.

ۆەدومستۆونىڭ دەرەگىنە سۇيەنسەك، 1-4-سىنىپ وقۋشىلارىنا جول ەرەجەسى «دۇنيە تانۋ»، «بەينەلەۋ ونەرى»، «ەڭبەككە باۋلۋ» پاندەرى ارقىلى وقىتىلادى.

اتاپ ايتقاندا، پاندەردىڭ ۇلگىلىك باعدارلامالارىندا «باعدارشام»، «مەن جاياۋ جۇرگىنشىمىن»، «باعدارشام جانە جول بەلگىلەرى»، «جولدى قاۋىپسىز كەسىپ ءوتۋ»، «جاياۋ جۇرگىنشىلەر وتكەلى» سياقتى تاقىرىپتار قامتىلعان.

«5-9-سىنىپتارعا ارنالعان «جاھاندىق قۇزىرەتتىلىكتەر» وقۋ كۋرسىنىڭ ۇلگىلىك وقۋ باعدارلاماسىندا «ءومىر ءسۇرۋ قاۋىپسىزدىگى» بولىمىندە جول قوزعالىسى ەرەجەلەرى وقىتىلادى. 10-11-سىنىپتارعا ارنالعان «العاشقى اسكەري جانە تەحنولوگيالىق دايىندىق» وقۋ ءپانىنىڭ ۇلگىلىك باعدارلاماسىندا جول قوزعالىسى ەرەجەلەرى «تەحنولوگيالىق دايىندىق» بولىمىندە قامتىلعان»، - دەپ جازادى مينيسترلىك ماماندارى.

وسىلايشا «جول قوزعالىسى ەرەجەلەرى» 1-4-سىنىپتاردا 6 ساعاتتان، 5-8-سىنىپتاردا 10 ساعاتتان جۇرگىزىلەدى.

اۆتور

ەسىمجان ناقتىباي

سوڭعى جاڭالىقتار