قازگيدرومەت: 24-شىلدە كۇنگى كۇن رايى بولجامى
كاسىپورىننىڭ دەرەكتەرىنە قاراعاندا، 24- شىلدە كۇنى ەلىمىزدىڭ باسىم بولىگىندە فرونتالدى بولىكتەردىڭ اسەرىنەن ق ر باتىسىندا، سولتۇستىك-باتىسىندا، سولتۇستىگىندە، شىعىسىندا، وڭتۇستىك-شىعىستىڭ تاۋلى اۋداندارىندا جاڭبىر جاۋادى، وڭتۇستىك-باتىسىندا نايزاعاي ونياپ، جاڭبىر جاۋادى، جەل كۇشەيەدى، ەلدىڭ باتىسىندا، شىعىسىندا بۇرشاق جاۋىپ، وڭتۇستىگىندە شاڭدى داۋىل تۇرادى، سولتۇستىگىندە تۇندە جانە تاڭەرتەڭ تۇمان تۇسەدى.
قازاقستاننىڭ تەك وڭتۇستىگىندە جانە ورتالىعىندا عانا كۇن جاۋىن-شاشىنسىز بولادى.
تۇركىستان، قىزىلوردا، جامبىل، جەتىسۋ، الماتى وبلىستارىنىڭ باسىم بولىگىندە، ماڭعىستاۋ، اتىراۋ وبلىستارىنىڭ وڭتۇستىگىندە، ۇلىتاۋدىڭ وڭتۇستىگىندە، شىعىسىندا، قوستاناي وبلىسىنىڭ ورتالىعىندا توتەنشە ءورت قاۋپى ساقتالادى.
كۇندىز قىزىلوردا، ۇلىتاۋ وبلىستارىنىڭ باسىم بولىگىندە، اقتوبە، اباي وبلىستارىنىڭ وڭتۇستىگىندە قاتتى ىستىق بولادى.
كۇندىز الماتى وبلىسىنىڭ باسىم بولىگىندە، جامبىل وبلىسىنىڭ باتىسىندا، وڭتۇستىگىندە، تۇركىستان وبلىسىنىڭ باتىسىندا جانە ءشولدى اۋداندارىندا، جەتىسۋ وبلىستارىنىڭ شىعىسىندا وتە قاتتى ىستىق بولادى.