+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

سيريادا ورمان ورتەگەن 24 ادام ءولىم جازاسىنا كەسىلدى

22 قازان 12:40
:ءبولىسۋ
سيريادا ورمان ورتەگەن 24 ادام ءولىم جازاسىنا كەسىلدى

نۇر -سۇلتان. قازاقپارات - سيريا ۇكىمەتى 2020 -جىلى ءىرى دالا ورتىنە اكەپ سوققان قاساقانا ورتەۋ ارەكەتى ءۇشىن سوتتالعان 24 ادام ءولىم جازاسىنا كەسىلگەنىن جاريالادى، - دەپ حابارلايدى Reuters اگەنتتىگى.

11 ادام ءومىر بويىنا باس بوستاندىعىنان ايىرىلعان، ال كامەلەتكە تولماعان بەس بالا 10 جىلدان 12 جىلعا دەيىن باس بوستاندىعىنان ايىرىلدى، دەلىنگەن ادىلەت دەپارتامەنتى حابارلاماسىندا.

«ءولىم جازاسىنا كەسىلگەندەر ادام ولىمىنە جانە مەملەكەتتىك ينفراقۇرىلىمعا، قوعامدىق جانە جەكەمەنشىككە زاقىم كەلتىرگەن تەرروريستىك اكت جاسادى دەپ ايىپتالدى»، - دەلىنگەن مينيسترلىك حابارلاماسىندا.

مەملەكەتتىك تەلەارنا كەيبىر قىلمىسكەرلەر قاساقانا ورتەۋ ارەكەتى ءۇشىن اقى العانىن مويىنداعانىن كورسەتكەن. حالىقارالىق قۇقىق قورعاۋ ۇيىمدارى مالىمەتىنشە، كوپ تۇتقىن سوت نەمەسە تەرگەۋ وتپەستەن ءولىم جازاسىنا كەسىلگەن.

جەرگىلىكتى بيلىك لاتاكيا، تارتۋس، حومس جانە حاما پروۆينسيالارىندا 280 قالا مەن اۋىلعا زيان كەلتىرگەن 187 ورمان ءورتىن تىركەگەن. ولار 13 مىڭ گەكتار اۋىل شارۋاشىلىعى جەرىن جانە 11 مىڭ گەكتار ورماندى شارپىعان، دەپ حابارلادى ادىلەت مينيسترلىگى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات