24-ماۋسىم. قازاقپارات كۇنتىزبەسى
ەستە قالار وقيعالار
1938 -جىلى العاش رەت قازاق ك س ر جوعارعى كەڭەسى سايلاندى. جوعارعى كەڭەس مەملەكەتتىك بيلىكتىڭ ەڭ جوعارى ورگانى رەتىندە رەسپۋبليكاعا قاتىستى كەز- كەلگەن ماسەلەنى شەشۋگە جانە ءوز قاراۋىنا الۋعا وكىلەتتى بولدى.
1970 -جىلى الماتى تسيركىنىڭ ۇجىمى قۇرىلدى. ونىڭ قۇرامىنا ماسكەۋ ەسترادا- تسيرك ۋچيليشەسىن، ساراتوۆ جانە الماتى ەسترادا- تسيرك ستۋديالارىن ەندى عانا بىتىرگەن تالانتتى ارتىستەر ەندى. ۇجىم العاش رەت ونەرىن 1970 -جىلى 24 -ماۋسىمدا سامارادا كورسەتتى. وسى داتا الماتى سيركىنىڭ جانە جالپى قازاقستاندىق تسيركتىڭ قۇرىلعان كۇنى سانالادى. سەبەبى بۇل - ەلىمىزدەگى العاشقى ترۋپپا بولدى.
1992 -جىلى تۇركىستان قالاسىندا قازاقستان مەن وزبەكستان رەسپۋبليكالارى اراسىنداعى دوستىق، ىنتىماقتاستىق جانە ءوزارا كومەك تۋرالى شارتقا قول قويىلدى.
1996 -جىلى قازاقستان رەسپۋبليكاسى ۇكىمەتىنىڭ №774 قاۋلىسىمەن «قازاقستان رەسپۋبليكاسى تۇرعىندارىنىڭ دەنە دايارلىعىنىڭ پرەزيدەنتتىك سىناقتارى» بەكىتىلدى.
2010 -جىلى تۇركيا رەسپۋبليكاسىنىڭ استاناسى انكارا قالاسىندا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆقا ەسكەرتكىش ورناتىلدى. بيىكتىگى بەس مەتردەن اساتىن ەسكەرتكىش تۇرىك استاناسىنىڭ «گەنچليك پارك» ورتالىق جاستار ساياباعىنا قويىلدى. ءمۇسىننىڭ بيىكتىگى - 2 مەتر 60 سانتيمەتر. ول تازا قولادان، ال تۇعىرى ءمارماردان جاسالعان. اۆتورى - گيۋرسەل چاتالتەپە.
2011 -جىلى استانادا سەربيا رەسپۋبليكاسىنىڭ قازاقستانداعى ەلشىلىگىنىڭ اشىلۋ ءراسىمى ءوتتى. ەلشىلىكتىڭ كەڭسەسى «رەديسسون» قوناقۇيىنىڭ 6-قاباتىندا ورنالاسقان.
2016 -جىلى تاشكەنتتە شانحاي ىنتىماقتاستىعى ۇيىمى مەملەكەتتەر باسشىلارى كەڭەسىنىڭ شاعىن قۇرامداعى كەزدەسۋى ءوتتى. وعان قازاقستان پرەزيدەنتى نۇرسۇلتان نازاربايەۆ، وزبەكستان پرەزيدەنتى يسلام كارىموۆ، قىرعىزستان پرەزيدەنتى المازبەك اتامبايەۆ، قىتاي حالىق رەسپۋبليكاسىنىڭ ءتوراعاسى شي جينپين، تاجىكستان باسشىسى ەمومالي راحمون، رەسەي فەدەراتسياسىنىڭ پرەزيدەنتى ۆلاديمير پۋتين قاتىستى. كەزدەسۋدىڭ نەگىزگى قورىتىندى قۇجاتى ش ى ۇ- نىڭ 15 -جىلدىعىنا ارنالعان تاشكەنت دەكلاراتسياسى بولدى.
2017 -جىلى ءىرى ەۋروپالىق تەلەارنا - Euronews الماتى تۋرالى سيۋجەت ءتۇسىردى. «مەتروپوليتەنس» باعدارلاماسىندا قازاقستاننىڭ مادەني استاناسى - الماتى تۋرالى باياندالادى.
2018 -جىلى قازاقستاندىق ءمولدىر مەكەنبايەۆا 55 ك گ دەيىنگى سالماق دارەجەسىندە جانە ابسوليۋتتىك سالماقتا «Los Angeles Open» اشىق چەمپيوناتىندا دجيتۋ- دجيتسۋ بويىنشا 2 التىن مەدالدى جەڭىپ الدى. سپورتتان بولەك مەكەنبايەۆا اكتريسا رەتىندە تانىمال. ول «قازاق باتىرلارى» تاريحي تەليەۆيزيالىق سەريالىندا باستى ءرولدى سومداپ، «ليۋبوۆ پو ناسلەدستۆۋ» جانە «ساياحاتشى» فيلمدەرىنە تۇسكەن.
2018 -جىلى ارحەولوگتار اقتوبە ماڭىندا سيرەك كەزدەسەتىن ارحەولوگيالىق تابىسقا كەنەلدى. سارمات داۋىرىندەگى قازبالاردان بىردەن ءۇش قولا قازاندىق تابىلدى. ول بۇل جەردە تايپا كوسەمدەرىنىڭ جەرلەنگەنىن بىلدىرەدى. عالىمداردىڭ پايىمداۋىنشا، قازبالار ءبىزدىڭ ەرامىزعا دەيىنگى V- VI عاسىرلارعا تيەسىلى.
2018 -جىلى الماتى وبلىسىندا اتى اڭىزعا اينالعان پوليتسيا گەنەرالى ءابدىقادىر بولسامبەكوۆكە ەسكەرتكىش ورناتىلدى. 4,5 مەترلىك ەسكەرتكىش سارقان قالاسىنىڭ ورتالىعىنا قويىلدى. ءا. بولسامبەكوۆتىڭ ءبيۋستىن قازاقستاندىق ءمۇسىنشى ميرلان ازماعانبەتوۆ گرانيتتەن جاسادى. گەنەرال- مايور ءابدىقادىر بولسامبەكوۆ ەكى مايدانعا - ەكىنشى دۇنيەجۇزىلىك سوعىسقا جانە ميليتاريستىك جاپونيامەن جاۋىنگەرلىك ارەكەتتەرگە قاتىسقان.
1947 -جىلى سوعىستان ورالدى. ساياسي پارتيالارعا تىركەلىپ، پوليتسيادا قىزمەت ەتتى. ءابدىقادىر بولسامبەكوۆ كاسىبي مانسابىنىڭ بارلىق ساتىلارىنان ءوتىپ، سارقان اۋدانىنداعى پوليتسيا قىزمەتكەرىنەن پوليتسيا گەنەرال- مايورى دارەجەسىنە دەيىن جەتتى.
2019 -جىلى 11 جاسار ادەلينا مۇحامەتجانوۆا «American Protégé» حالىقارالىق بايقاۋىنىڭ 1 دارەجەلى لاۋرەاتى اتاندى. جاس ءانشى بايقاۋدا بىرنەشە كلاسسيكالىق تۋىندى ورىنداپ، الەمنىڭ 50 ەلىنەن كەلگەن انشىلەردىڭ بارلىعىن شاڭ قاپتىردى. «American Protege « - الەمدىك انشىلەردىڭ باسىن قوساتىن حالىقارالىق بايقاۋ. ۇمىتكەرلەردىڭ داۋىسى اۋديوتاسپامەن تىڭدالادى. جەڭىمپازدار نيۋ- يوركتەگى كارنەگي حولل عيماراتىندا ونەر كورسەتۋگە شاقىرىلادى.
2020 -جىلى ق ر سىبايلاس جەمقورلىققا قارسى ءىس- قيمىل اگەنتتىگى» مەن «قازپوشتا» اق سىبايلاس جەمقورلىققا قارسى كۇرەسكە ارنالعان پوشتا ماركالارىن ساتىلىمعا شىعاردى. ق ر سىبايلاس جەمقورلىققا قارسى قىزمەتى — تاقىرىپتىق ماركا شىعارعان العاشقى قۇقىق قورعاۋ ورگانى. ماركا ديزاينىنا قۇقىق قورعاۋ ورگانىنىڭ كوممۋنيكاتيۆتى لوگوتيپى نەگىزگە الىنعان. ماركادا اگەنتتىكتىڭ «ادىلدىك. پاراساتتىلىق. سەنىم» قۇندىلىقتارى جازىلعان. بۇل قۇندىلىقتار لوگوتيپتە قولدانىلعان تۇستەردە دە بەرىلگەن: اسپان تۇستەس - ادىلدىكتى، كەمەلدىككە، جاڭارۋعا ۇمتىلۋدى؛ كوك ءتۇس - سەنىم مەن قاۋىپسىزدىكتى بەينەلەيدى.