قىتاي شاحتاسىنداعى جارىلىستان 24 كەنشى جەر استىندا قالدى

بەيجىڭ. قازاقپارات - قىتايدىڭ چۋنتسين قالاسىنىڭ يۋنچۋان اۋدانىنداعى دياوشۋيدان كومىر شاحتاسىندا گاز جارىلىسى بولىپ، 24 كەنشى جەر استىندا قالىپ قويدى، دەپ حابارلايدى قازاقپارات.

الدىن الا بولجام بويىنشا، كومىر شاحتاسىندا تۇنشىقتىرعىش گازدىڭ مولشەرى ارتىپ كەتكەندىكتەن جارىلىس بولعان. قامالىپ قالعان كەنشىلەردى قۇتقارۋ وپەراتسياسى ۇيىمداستىرىلدى.

2013 -جىلدىڭ ناۋرىزىندا وسى شاحتادا قايعىلى جاعداي بولىپ، كۇكىرتسۋتەككە ۋلانىپ ءۇش ادام اجال قۇشتى، تاعى ەكەۋى زارداپ شەككەن ەدى. دياوشۋيدان شاحتاسى 1975 -جىلى سالىنعان، جىلدىق ءوندىرىس كولەمى - 120 مىڭ توننا. 1998 -جىلى شاحتا جەكەشەلەندىرىلگەن بولاتىن.