+7 (701) 759 90 19
-9 °С : نۇر-سۇلتان
-1 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

قازاقپارات كۇنتىزبەسى: 24- قازان

24 قازان 09:33
:ءبولىسۋ
قازاقپارات كۇنتىزبەسى: 24- قازان

نۇر-سۇلتان. قازاقپارات - قازاقپارات وقىرماندارىنا 2020-جىلعى 24- قازانعا ارنالعان كۇنتىزبەسىن ۇسىنادى.

اتاۋلى كۇندەر

بىرىككەن ۇلتتار ۇيىمى كۇنى

ب ۇ ۇ جارعىسىنىڭ 1945-جىلدىڭ 24- قازانىندا كۇشىنە ەنۋىنە وراي، ب ۇ ۇ باس اسسامبلەياسىنىڭ 1947-جىلعى 31- قازانداعى A/RES/168№ قارارىمەن بەكىتىلگەن. مەيرامنىڭ باستى ماقساتى - الەمدىك قوعامداستىقتى بىرىككەن ۇلتتار ۇيىمىنىڭ ماقساتتارى جانە جەتىستىكتەرىمەن تانىستىرۋ، سونداي-اق ب ۇ ۇ- نىڭ ءتۇرلى ەلدەردەگى قىزمەتىن قولداۋدى جانداندىرۋ.

بۇكىل الەمدىك پوليوميەليتكە قارسى كۇرەس كۇنى

ونداعان جىل بۇرىن «روتاري ينتەرنەشنل» حالىقارالىق ۇكىمەتتىك ەمەس ۇيىمىنىڭ باستاماسىمەن قۇرىلعان. بۇل داتا كەزدەيسوق تاڭدالعان جوق: ول پوليوميەليتەت - بالالار مي جۇلىنىنىڭ سال اۋرۋىنا قارسى العاشقا ەكپەنى جاساپ شىعارعان امەريكالىق ەپيدەميولوگ جانە ۆيرۋسولوگ دجوناس سولكتىڭ تۋعان كۇنىنە ورايلاستىرىلعان.

دۇنيەجۇزىلىك دامۋ تۋرالى اقپارات كۇنى ب ۇ ۇ باس اسسامبلەياسى 1972-جىلى 19- جەلتوقساندا بىرىككەن ۇلتتار ۇيىمى كۇنىنە ارناپ، قۇرعان. دۇنيەجۇزىلىك دامۋ تۋرالى اقپارات كۇنىنىڭ ماقساتى - قوعامنىڭ نازارىن دامۋ ماسەلەلەرىنە، سونداي-اق، اتالمىش ماسەلەلەردى شەشۋ ءۇشىن ءارتۇرلى ەلدەر اراسىنداعى قارىم-قاتىناستى نىعايتۋ ماسەلەلەرىنە كوڭىلىن اۋدارۋ.

قارۋسىزدانۋ اپتاسى

1978-جىلى ب ۇ ۇ باس اسسامبلەياسىنىڭ قارۋسىزدانۋ جونىندەگى ارنايى سەسسياسىنىڭ جانە دۇنيەجۇزىلىك بەيبىتشىلىك كەڭەسىنىڭ شەشىمىنە سايكەس جىل سايىن 24-30- قازان ارالىعىندا اتالىپ وتەدى.

بايقوڭىر عارىش ايلاعىندا قازا تاپقان سىناقشىلاردى ەسكە الۋ كۇنى

1960-جىلى وسى كۇنى م. يانگەل قۇراستىرعان جاڭا كونتينەنتالدى بالليستيكالىق ر-16 زىمىرانىن سىناۋ كەزىندە اپات بولدى. جانارماي قۇيىلعان زىمىرانداعى ەلەكترلىك سىناقتار جۇرگىزۋ كەزىندە 2- ساتىداعى قوزعالتقىشتار رۇقسات ەتىلمەگەن كۇيدە ىسكە قوسىلدى. ءورت جانە جانارماي كومپونەنتتەرىنىڭ بۋىمەن ۋلانۋ سالدارىنان 76 اسكەري قىزمەتشى مەن ونەركاسىپ وكىلدەرى قازا تاپتى.

ەستە قالار وقيعالار

1931-جىلى ريددەردە «جۇمىسشى» گازەتىنىڭ العاشقى ءنومىرى مەملەكەتتىك تىلدە جارىق كوردى.

1939 -جىلى شىعىس قازاقستان وبلىسىنىڭ نەگىزى قالانعاننان كەيىن بۇل گازەت وڭىرلىك مارتەبەگە يە بولدى. كەڭەس وداعى كەزىندە بۇل باسىلىم «كوممۋنيزم تۋى» دەپ اتالدى.

بۇگىندە بۇل 20 مىڭ تارالىممەن شىعاتىن «ديدار» گازەتى دەپ اتالادى.

2009 -جىلى «بۋراباي» مەملەكەتتىك ۇلتتىق پاركىندە ابىلاي حان اتىنداعى ەكسپوزيتسيا كەشەنى اشىلدى. تاريحتا «شاڭدى جورىق» دەگەن اتاۋمەن قالعان وقيعا بۋرابايداعى ابىلاي حان مۇراجايىنىڭ ءبىر قابىرعاسىنا بەزەندىرىلدى. ابىلاي حان الاڭىنداعى ايتۋلى كەشەن تاقىرىپتىق جازۋلاردان، «اسكەري كەڭەس» ساۋلەت كومپوزيتسياسىنان، اقپاراتتىق ستەندىدەن تۇرادى. يگىلىكتى ءىستىڭ ۇيتقىسى بولعان ق ر پرەزيدەنتىنىڭ ءىس باسقارماسى مەن «نۇر وتان» پارتياسى.

كەشەن كەڭ كولەمدى، تانىمدىق، يدەولوگيالىق جانە وتانسۇيگىشتىك رۋحتاعى تاربيەلىك جۇمىستاردى اتقارۋدى كوزدەيدى. سونىمەن قاتار جاس بۋىندى قازاقستاننىڭ باي تاريحىنان، مادەنيەتىنەن حاباردار ەتىپ، وڭىردە تۋريستىك كلاستەردى كەڭىنەن ورىستەتۋگە باعىتتالعان.

2011-جىلى قازاقستاندا ت م د ەلدەرىنىڭ ىشىندە ءبىرىنشى بولىپ يۋۆەنالدى سوت ءىسى ەنگىزىلدى. بۇگىنگى تاڭدا ءبىزدىڭ تاجىريبەمىزدى حالىقارالىق ۇيىمدار مەن ت م د ەلدەرىنىڭ وكىلدەرى بەلسەندى تۇردە زەرتتەيدى.

2014-جىلى قازاقستان رەسپۋبليكاسىنىڭ ۇلتتىق بانكى قازاقستاننىڭ قىزىل كىتابىنان 500 تەڭگەلىك «proof» ساپاسىنداعى كۇمىستەن جاسالعان جانە 50 تەڭگەلىك «proof» ساپاسىنداعى التىن مەن كۇمىستەن جاسالعان «بانكنوتتاعى پورترەت» سەرياسىنان «شوقان» مونەتالارىن اينالىمعا شىعاردى.

2014-جىلى ق ر مەملەكەتتىك كينو فوتو قۇجاتتار مەن دىبىس جازبالار مۇراعاتىندا قازاق كينوسىنىڭ كلاسسيگى شاكەن ايمانوۆتىڭ 100 جىلدىعىنا ارنالعان دەرەكتى فيلم تانىستىرىلدى. فيلم اۆتورلارى سيرەك كادرلارعا قول جەتكىزۋ ءۇشىن قازاقستان مەن رەسەي مۇراجايلارىنىڭ جادىگەرلەرىن اقتارۋعا تۋرا كەلگەندىگىن ايتادى.

2018-جىلى الماتىدا «قازاقستان رۋحانياتى مەن مادەني ەسكەرتكىشتەرىنىڭ ەنتسيكلوپەدياسى» جارىققا شىقتى .

بۇل رۋحاني جانە ءبىلىم سالاسىن دامىتۋدى، ەلىمىزدىڭ مادەني مۇراسىن ساقتاۋ مەن ءتيىمدى پايدالانۋدى، قازاقستان حالقىنىڭ رۋحاني دامۋىن قامتاماسىز ەتەتىن العاشقى ەنتسيكلوپەديا.

2019-جىلى جەنيەۆادا ب ۇ ۇ- نىڭ ايەلدەرگە قاتىستى كەمسىتۋشىلىكتەردى جويۋ جونىندەگى كوميتەتىندە ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ جونىندەگى كونۆەنتسيانى قازاقستان رەسپۋبليكاسىنىڭ ورىنداۋى تۋرالى بايانداما قورعالدى.

ب ۇ ۇ ساراپشىلارىنىڭ نازارىنا ايەلدەردىڭ قوعامدىق-ساياسي، ەكونوميكالىق جانە الەۋمەتتىك سالاداعى، ايەلدەردى كەمسىتۋمەن كۇرەسۋدەگى ءرولىن جوعارىلاتۋ بويىنشا قازاقستان رەسپۋبليكاسىنىڭ ۇكىمەتى، پارلامەنتى جانە ۇكىمەتتىك ەمەس سەكتورلاردىڭ ورتاق قابىلداعان امالدارى تۋرالى بايانداما ۇسىنىلدى.

2019-جىلى نۇر-سۇلتان قالاسىندا بەلارۋس رەسپۋبليكاسى ەلشىلىگىنىڭ جاڭا عيماراتى اشىلدى. ەتنيكالىق بەينەسى مەن كەڭ فۋنكتسيونالدى مۇمكىندىكتەرى بار بەلارۋس ەلشىلىگىنىڭ جاڭا زاماناۋي كەشەنى اكىمشىلىك عيماراتتان تۇرادى، وندا قابىلداۋ زالى، كونفەرەنتس-زال، كەلىسسوزدەر بولمەسى، قىزمەتكەرلەردىڭ كابينەتتەرى، كىتاپحانا، سونداي-اق تۇرعىن ءۇي بار، تۇرعىن ۇيدە 10 پاتەر، 2 قوناق ءۇي بولمەسى، جەراستى پاركينگى جانە بەلارۋس رەسپۋبليكاسى ەلشىسىنىڭ رەزيدەنتسياسى قاراستىرىلعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات