قازگيدرومەت: 24-قازانعا ارنالعان اۋا رايى بولجامى
سكانديناۆيا ايماعىنان جىلجىپ كەلگەن تسيكلون اسەرىنەن قازاقستان رەسپۋبليكاسىنىڭ باسىم بولىگىندە قار مەن جاڭبىر جاۋادى. اسىرەسە سولتۇستىك-باتىسىندا قاتتى جاۋىن-شاشىن بولادى.
رەسپۋبليكانىڭ كەي جەرلەرىندە تۇمان ءتۇسىپ، كوكتايعاق كۇتىلەدى. جەل كۇشەيەدى، سولتۇستىكتە جاياۋ بۇرقاسىن سوعادى.
سولتۇستىك-باتىستان جىلجىپ كەلگەن انتيتسيكلوننىڭ اسەرىنەن ەلىمىزدىڭ وڭتۇستىك-باتىسىندا كۇن اشىق بولادى. سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى. جەل ەكپىنى كۇندىز 25 م/س دەيىن كۇشەيەدى.
اقمولا وبلىسىنىڭ كەي جەرلەرىندە تۇمان تۇسەدى، كوكتايعاق بولادى. جاياۋ بۇرقاسىن سوعادى، كۇندىز جەل قارقىنى - 15-20 م/س.
قاراعاندى وبلىسىنىڭ كەي جەرلەرىندە كوكتايعاق بولادى، جەل جىلدامدىعى 15-20 م/س جەتەدى. جاياۋ بۇرقاسىن كوتەرىلەدى.
اتىراۋ، باتىس قازاقستان، شىعىس قازاقستان وبلىستارىنىڭ كەي جەرلەرىندە تۇمان تۇسەدى، جەلدىڭ كۇشى - 15-20 م/س.
قوستاناي وبلىسىنىڭ كەي جەرلەرىندە تۇمان تۇسەدى، جەل ەكپىنى 15-20 م/س دەيىن كۇشەيەدى، تۇندە جانە تاڭەرتەڭ - كوكتايعاق. اقتوبە وبلىسىندا تۇندە كەي جەرلەردە كوكتايعاق بولادى، كۇندىز جەل قارقىنى - 18 م/س.
جامبىل، پاۆلودار، تۇندە جانە تاڭەرتەڭ الماتى وبلىستارىنىڭ كەي جەرلەرىندە تۇمان تۇسەدى، پاۆلودار وبلىسىندا - كوكتايعاق. تۇندە قىزىلوردا وبلىسىندا 1-6 گرادۋس ۇسىك جۇرەدى.