قازاقپارات كۇنتىزبەسى: 24- قىركۇيەك
اتاۋلى كۇندەر
بۇكىل الەمدىك تەڭىز كۇنى
1978-جىلى ب ۇ ۇ باس اسسامبلەياسى 10- سەسسياسىنىڭ شەشىمىمەن قابىلدانعان.
بۇكىل الەمدىك تەڭىز كۇنىنىڭ ماقساتى - تەڭىزدەر مەن مۇحيتتاردا بالىقتى شەكتەن تىس اۋلاۋدىڭ، سۋاتتاردى لاستاۋ مەن جاھاندىق جىلىنۋدىڭ قانشالىقتى ورنى تولماس زيان شەكتىرەتىنىنە حالىقارالىق قوعامداستىق نازارىن اۋدارۋ.
مەيلىنشە ماڭىزدى ەكى مىندەت - تەڭىزدەگى قاۋىپسىزدىكتى ارتتىرۋ جانە تەڭىز اۋماعىن، سونىڭ ىشىندە مۇنايمەن لاستاۋدىڭ الدىن الۋ.
حالىقارالىق كەرۋەنشىلەر كۇنى
جىل سايىن 24- قىركۇيەكتە حالىقارالىق كەرۋەنشىلەر كۇنى كاسىبي مەرەكەسى اتالىپ وتەدى.
بۇل مەرەكەنى كەرۋەنباسىلار، كولىك كولوننالارى مەن كەمە كەرۋەندەرى قۇرامىنداعى ادامدار، الىس جولعا قاتىنايتىندار، ساۋدا كەمەلەرىنىڭ كوماندالارى مەن ەكسپورت كەمەلەرىنىڭ ەكيپاجدارى تويلايدى.
ەستە قالار وقيعالار
1934-جىلى ۇيعىر مۋزىكالىق كومەديا تەاترى قۇرىلدى. تەاتر 1941-1961 -جىلدارى ەڭبەكشى قازاق اۋدانىندا بولعان، كەيىنىرەك الماتى قالاسىنا قونىس اۋدارعان.
1964 -جىلى اتاۋى رەسپۋبليكالىق ۇيعىر مۋزىكالىق دراما تەاترى دەپ وزگەردى.
1991 -جىلى قاز ك س ر جوعارعى كەڭەسىنىڭ پرەزيديۋمى 1986-جىلعى 17-18- جەلتوقساندا الماتىدا بولعان وقيعالارعا بايلانىستى ءمان-جايلاردى تۇپكىلىكتى باعالاۋ جونىندەگى كوميسسيانىڭ قورىتىندىلارى تۋرالى «قاۋلىنىڭ» العاشقى رەسمي قۇجاتىن قابىلدادى، وندا جاستاردىڭ ءسوز سويلەۋى ۇلتشىل ەمەس جانە باستاپقى كەزەڭدە قۇقىققا قارسى سيپاتتا بولماعانى تۋرالى ايتىلدى.
1996 -جىلى نيۋ-يوركتە يادرولىق سىناقتارعا جان-جاقتى تىيىم سالۋ تۋرالى شارت قول قويۋعا ۇسىنىلدى.
قۇجاتقا سايكەس، قاتىسۋشى مەملەكەتتەردىڭ ءاربىرى سىناۋ ءۇشىن يادرولىق قارۋدى جارماۋ، ءوز باقىلاۋىنداعى كەز كەلگەن جەردە يادرولىق جارىلىسقا تىيىم سالۋ مىندەتىن الدى. قازاقستان قۇجاتقا 1996-جىلعى 30- قىركۇيەكتە قول قويىپ، 2001-جىلدىڭ 14- جەلتوقسانىندا راتيفيكاتسيالادى.
1997 -جىلى فرانسيا ۇلتتىق تيپوگرافياسىندا جاڭا قازاقستاندىق پوشتا ماركاسى جاسالدى. وندا تاۋەلسىز قازاقستاننىڭ تۇڭعىش پرەزيدەنتى ن. ءا. نازاربايەۆتىڭ سۋرەتى مەن رەسپۋبليكا كارتاسى بەينەلەنگەن.
2005 -جىلى پەتروپاۆلدا ساياسي قۋعىن-سۇرگىن قۇرباندارىنا ارنالعان ەسكەرتكىش اشىلدى.
جوبانىڭ اۆتورى - قازاقستان رەسپۋبليكاسىنىڭ ەڭبەك سىڭىرگەن ونەر قايراتكەرى حاسەن ابايەۆ. پەتروپاۆلدا ەسكەرتكىش ورنالاسقان جەردە بۇرىن حالىقتىق ىشكى ىستەر كوميسسارياتىنىڭ عيماراتى ورنالاسقان بولاتىن. ەسكەرتكىشتىڭ ىرگەتاسىنا شويىن جولعا بەكىتىلگەن پيراميدا ورناتىلعان.
«ساياسي قۋعىن-سۇرگىن قۇرباندارىنا» دەگەن جازۋ قازاق جانە ورىس تىلدەرىندە جازىلعان. ءۇشبۇرىشتى پيراميدا - بۇل بارىنە بەلگىلى ادام سيمۆولى بولىپ تابىلادى. ول شويىن جولعا بەكىتىلگەن سياقتى، سول جولمەن كەزىندە رەپرەسسياعا ۇشىراعانداردى قازاقستانعا جەتكىزگەن.
شەتىندە - ءۇش جول، ول جارلىق شىعارعان ستاليندىك «ۇشتىكتى» بەينەلەيدى. كومپوزيتسيادا ءۇش ءتۇس پايدالانىلعان: قارا ءتۇس - ءولىم، قىزىل ءتۇس - قان، اق ءتۇس - بولاشاققا دەگەن سەنىم مەن ءۇمىت. ەسكەرتكىش ورناتىلعان الاڭدا قازىرگى زامانعى تالاپتارعا ساي جاسالعان شاعىن باق اشىلدى.
2010 -جىلى تانىمال قازاقستاندىق اقىن جانە قوعام قايراتكەرى ولجاس سۇلەيمەنوۆ «جاڭگىر» تاريحي دراماسىنىڭ سەناريسى جانە پروديۋسەرى اتاندى. جاڭا جوبا - 1825-جىلعى جەلتوقسان وقيعاسى تۋرالى تاريحي دراما، ونىڭ ەپيتسەنترىندە قازاق حانى جاڭگىر بولعان. فيلمنىڭ ءتۇسىرىلىمى سانكت-پەتەربۋرگتە ءوتتى.
كارتيناعا رەسەيلىك، قازاقستاندىق، سونداي-اق فرانسۋز جانە فين كينەماتوگرافيستەرى تارتىلعان. كارتينانىڭ جالپى بيۋجەتى - 8-9 ميلليون ا ق ش دوللار.
2011 -جىلى «ەۋرازيا» VII حالىقارالىق كينوفەستيۆالىندە قازاق رەجيسسەرى ەرلان نۇرمۇحامبەتوۆ پەن رەجيسسەر سانو سيندزيۋدىڭ «نايزاعاي الدىندا» كارتيناسى ۇزدىك فيلم اتاندى.
2012 -جىلى پاۆلوداردا شوقان ءۋاليحانوۆ پەن گريگوري پوتانينگە ەسكەرتكىش اشىلدى. XIX عاسىردا تۇرىپ، قازاقستاننىڭ مادەنيەتى، عىلىمى جانە ادەبيەتىنە ۇلكەن ۇلەس قوسقان ەكى كورنەكتى تۇلعا، ەكى دوس قولادان جاسالعان مۇسىندىك كومپوزيتسيادا ماڭگى ەستە قالدىرىلدى.
«ش. ءۋاليحانوۆ پەن گ. پوتانين» مۇسىندىك كومپوزيتسياسىنىڭ بيىكتىگى 3,6 مەتر، ول تانىمال قازاقستاندىق ءمۇسىنشى مۇرات مانسۇروۆتىڭ جۇمىسى. ونىڭ تۇعىرى وڭدەلگەن گرانيتپەن قاپتالعان.
2013 -جىلى ر. ب. سۇلەيمەنوۆ اتىنداعى شىعىس تانۋ ينستيتۋتىنىڭ عالىمدارى يران مەن ءۇندىستاننان XI- XVIII عاسىرلارعا جاتاتىن، قازاقستان تاريحىنا تىكەلەي قاتىسى بار 40 قا جۋىق كونە قولجازبالاردىڭ كوشىرمەسىن اكەلدى.
قۇجاتتاردى قازاقستان عالىمدارى «تاريح اعىنىنداعى حالىق» باعدارلاماسى اياسىندا يران يسلام رەسپۋبليكاسى مەن ءۇندىستاننىڭ مۋزەيلەرىنە ۇيىمداستىرعان ەكسپەديتسياسى كەزىندە تاپتى.
2018 -جىلى اقتوبە قالاسىنىڭ 5-شاعىن اۋدانىندا كەڭەس وداعىنىڭ باتىرى ءاليا مولداعۇلوۆانىڭ اتىنداعى كوپىر اشىلدى.
2019 -جىلى قازاقستاندىق شاحماتشى جانسايا ابدىمالىك گەرمانيانىڭ الەمگە ايگىلى «بادەن- بادەن» كلۋبىمەن كەلىسىمشارتقا قول قويدى. «بادەن-بادەن» ايەلدەر كلۋبى كلاسسيكالىق شاحماتتان دا، جىلدام شاحماتتان دا الەم چەمپيونى اتانعان ەڭ مىقتى شاحماتشىلاردى قاتارىنا قوسىپ كەلەدى.
«بادەن-بادەن» كومانداسىنىڭ كاپيتانى جاس ءارى مىقتى شاحماتشىنى قاتارىنا قوسىپ العانىنا قۋانىپ وتىرعانىن جەتكىزدى.