قازگيدرومەت: 24-قىركۇيەك كۇنگى اۋا رايى بولجامى
بۇگىن قازاقستاننىڭ سولتۇستىك جانە شىعىس جارتىسىندا جاۋىن-شاشىن بولادى. كەي جەرلەردە نوسەرلەتىپ، جاڭبىردىڭ سوڭى قارعا ۇلاسۋى ىقتيمال. سونداي-اق رەسپۋبليكانىڭ كەي جەرلەرىندە جەل كۇشەيىپ، ەلىمىزدىڭ باتىسىندا جانە وڭتۇستىگىندە كۇن جاۋىن-شاشىنسىز بولادى.
رەسپۋبليكا بويىنشا كەي جەرلەردە تۇمان ءتۇسۋى ىقتيمال. اقمولا، سولتۇستىك قازاقستان، پاۆلودار وبلىستارىندا جەلدىڭ جىلدامدىعى سەكۋندىنا 15-20 مەترگە جەتەدى، كەي جەرلەرىندە 23-28 م/س- كە دەيىن كۇشەيىپ، تۇمان تۇسەدى.
شىعىس قازاقستان، قاراعاندى وبلىستارىنىڭ كەي جەرلەرىندە تۇمان تۇسەدى، جەلدىڭ جىلدامدىعى سەكۋندىنا 15-20 مەترگە، ەكپىنى 23-28 مەترگە جەتەدى.
قاراعاندى وبلىسىنىڭ شىعىسىندا توپىراق بەتىندە 1-3 گرادۋس ۇسىك جۇرەدى. الماتى، قوستاناي، تۇندە اقتوبە، تاڭەرتەڭ جانە كۇندىز جامبىل وبلىستارىنىڭ كەي جەرلەرىندە جەل 15-20 م/س جىلدامدىقپەن ۇيىتقيدى.
قوستاناي وبلىسىنىڭ كەي جەرلەرىندە تۇمان تۇسەدى. باتىس قازاقستان، تۇندە جانە تاڭەرتەڭ اتىراۋ وبلىستارىنىڭ كەي جەرلەرىندە تۇمان بولادى.
قىزىلوردا، تۇركىستان وبلىستارىنىڭ باسىم بولىگىندە، قاراعاندى، اقتوبە، جامبىل وبلىستارىنىڭ كەي جەرلەرىندە توتەنشە ءورت قاۋپى ساقتالادى.