+7 (701) 759 90 19
8 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

نۇر-سۇلتاندا 24 مىڭنان استام ادام تۇماۋعا قارسى ەكپە سالدىردى

16 قىركۇيەك 14:55
:ءبولىسۋ
نۇر-سۇلتاندا 24 مىڭنان استام ادام تۇماۋعا قارسى ەكپە سالدىردى

نۇر-سۇلتان. قازاقپارات - ەلوردادا ەكپە سالۋ قاراشا ايىنىڭ باسىنا دەيىن جالعاسادى، دەپ حابارلايدى اكىمدىكتىڭ رەسمي سايتى.

بۇگىن تاڭدا نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ەمحاناعا بارىپ، تۇماۋعا قارسى ەكپە سالدىردى. باسقارماسى باسشىسى ەكپەنىڭ ماۋسىمدىق اۋرۋلاردىڭ ءورشۋى كەزىندەگى ماڭىزدىلىعىن دا اتاپ ءوتتى.

«ۆاكسيناتسيا - اۋرۋدىڭ اۋىر سيپاتى مەن ونىڭ كەڭ تارالۋىن ەسكەرە وتىرىپ، تۇماۋدان قورعاۋدىڭ ەڭ قيسىندى ءادىسى. سونىمەن قاتار، قازىر وسى كەزەڭ ءۇشىن ستاندارتتى اۋرۋلاردىڭ (سۋىق تيۋ، تۇماۋ) قوزدىرعىشى بولۋى مۇمكىن كوروناۆيرۋس ينفەكسياسى كەزەڭىندە ۆاكسيناتسيا وتە ماڭىزدى! بارشاڭىزدى ۆاكسينا الۋعا جانە ءوز دەنساۋلىعىڭىزعا جاۋاپتى بولۋعا شاقىرامىن!» - دەدى تيمۋر مۇراتوۆ قالا تۇرعىندارىنا.

ەسكە سالا كەتەيىك، ەلوردالىق قوعامدىق دەنساۋلىق ساقتاۋ باسقارماسى ەكپەنىڭ 110 مىڭ دوزاسىن ساتىپ العان بولاتىن. ول حالىقتىڭ بەلگىلى ءبىر توبى ءۇشىن تەگىن جۇرگىزىلەدى. اتاپ ايتقاندا: سوزىلمالى اۋرۋلارى بار 18 جاسقا دەيىنگى بالالارعا، مەديتسينا قىزمەتكەرلەرىنە، جۇكتى ايەلدەرگە (جۇكتىلىكتىڭ 2-3-تريمەسترى)، جابىق مەكەمەلەردەگى ادامدارعا (بالالار ءۇيى، سابيلەر ءۇيى، مەكتەپ ينتەرناتى)، مۇگەدەكتەرگە (ەرەسەكتەر مەن سوزىلمالى اۋرۋلارى بار بالالار)؛ 60 جاستان اسقان قارتتارعا. نۇر- سۇلتاندا ۆاكسينالاۋ باستالعاننان بەرى 24,6 مىڭ ادام تۇماۋعا قارسى ەكپە الدى.

ولاردىڭ 6300 ى بالالار، ونىڭ ىشىندە 211 ادام سابيلەر ۇيلەرىندە، بالالار ۇيلەرىندە، مەكتەپ- ينتەرناتتاردا، مۇگەدەك بالالارعا ارنالعان ينتەرناتتاردا. ەكپە العان ەرەسەكتەر سانى 14 مىڭ ادامنان استى. ەلوردادا ەكپە سالۋ قاراشا ايىنا دەيىن جالعاسادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات