+7 (701) 759 90 19
17 °С : نۇر-سۇلتان
26 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

رەسەيدە جەڭىس پارادى 24 - ماۋسىمدا وتەدى

26 مامىر 21:03
:ءبولىسۋ
رەسەيدە جەڭىس پارادى 24 - ماۋسىمدا وتەدى

نۇر- سۇلتان. قازاقپارات – ر ف پرەزيدەنتى ۆلاديمير پۋتين قورعانىس ءمينيسترى سەرگەي شويگۋمەن بولعان جينالىستا جەڭىس پارادىنىڭ 24 - ماۋسىمدا وتەتىنىن جاريالادى، دەپ حابارلايدى قازاقپارات رەسەيدىڭ ت ا س س اگگەنتتىگىنە سىلتەمە جاساپ.

«ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا وراي رەسەي استاناسى ماسكەۋ مەن باسقا دا قالالاردا اسكەري پارادقا دايىندىقتى باستاۋدى بۇيىرامىن. ءبىز ونى 24 - ماۋسىمدا، 1945 -جىلى ماسكەۋ تۇبىندە سوعىسقان جانە لەنينگرادتى قورعاعان، ەۋروپانى ازات ەتكەن، بەرليندى شابۋىلداپ باسىپ العان مايدانگەرلەردىڭ قىزىل الاڭدا ءجۇرىپ وتكەن كۇنى، داڭقتى، تاريحي جەڭىمپازدار پارادى بولعان كۇنى وتكىزەمىز»، - دەپ بۇيرىق بەردى ر ف پرەزيدەنتى.

پۋتين شويگۋعا پارادقا قاتىسۋشىلاردىڭ دەنساۋلىعىنا تونەتىن كەز كەلگەن قاۋىپتىڭ الدىن الۋدى تاپسىردى.

«سىزگە پارادتى وتكىزۋ جانە وعان دايىندىق كەزىندە قاتاڭ قاۋىپسىزدىك شارالارىن قامتاماسىز ەتۋدى بۇيىرامىن. ونىڭ بارلىق قاتىسۋشىلارىنا تونەتىن قاۋىپ مۇمكىندىگىنشە تومەن بولۋى كەرەك»، - دەدى پۋتين.

پرەزيدەنت مۇنداي شەشىمدى ەلدىڭ كوپتەگەن وڭىرلەرىندەگى جانە قارۋلى كۇشتەردەگى جاعدايدىڭ جۇقپالى اۋرۋدىڭ تاراۋى شارىقتاۋ شەگىنەن وتكەنىنەن سوڭ تۇراقتاعانىن ەسكەرە وتىرىپ قابىلداعانىن ءتۇسىندىردى. سونداي- اق، ول «وسى قيىن ۋاقىتتا اسكەردە وقۋ- جاتتىعۋ ءوتىپ، رەسەي قورعانىسىن قامتاماسىز ەتۋدەگى ماڭىزدى تاپسىرمالار شەشىلگەنىن، وسى جىلى اسكەر قاتارىنا شاقىرىلعان ازاماتتاردىڭ قابىلدانعان پروفيلاكتيكالىق شارالاردىڭ ارقاسىندا ينفەكسيا تارالۋ قاۋپىنەن بارىنشا قورعالعانىن اتاپ ءوتتى. ر ف مەملەكەت باسشىسى پارادتا كورەرمەندەردىڭ بولاتىنىن ناقتىلامادى.

ەسكە سالايىق، بۇگىن ر ف پرەزيدەنتى ۆلاديمير پۋتين قاسىم- جومارت توقايەۆتى 24 - ماۋسىم كۇنى ماسكەۋدە وتەتىن جەڭىس پارادىنا قۇرمەتتى قوناق رەتىندە قاتىسۋعا شاقىردى. قازاقستان پرەزيدەنتى شاقىرتۋدى ريزاشىلىقپەن قابىل الدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات