09:09, 09 - شىلدە 2019 | GMT +6
الماتى تۇرعىنى 24 جىل بۇرىن ادام ولتىرگەنىن مويىندادى
اقساي. قازاقپارات - باتىس قازاقستان وبلىسىندا وسىدان 24 جىل بۇرىن بولعان قىلمىستىڭ بەتى اشىلدى، دەپ حابارلايدى قازاقپارات جەرگىلىكتى ۋرالسكايا نەدەليا باسىلىمىنا سىلتەمە جاساپ.
ەر ادام قىلمىسىن موينىنا الىپ، مارقۇمنىڭ دەنەسىن قايدا جاسىرعانىن كورسەتۋ ءۇشىن اقسايعا كەلگەن.
ول 1995-جىلى 20 جاستاعى بويجەتكەندى ولتىرگەنىن مويىندادى.
«ادام سۇيەگى تابىلعانى تۋرالى مالىمەت WhatsАpp مەسسەنجەرىندە تاراپ كەتكەن بولاتىن. الماتىدا تۇراتىن ەر ادام وسى جاعدايدان كەيىن، ياعني 6- شىلدە كۇنى كىناسىن مويىنداپ، پوليتسياعا ءوزى كەلدى. ەندى ونى سوت كۇتىپ تۇر»، - دەپ ءمالىم ەتتى ب ق و پ د باسپا ءسوز قىزمەتىنىڭ جەتەكشىسى بولاتبەك بەلگىبەكوۆ.
اتالمىش جاعدايدىڭ ەگجەي-تەگجەيى انىقتالىپ جاتىر.