سينوپتيكتەر 24- ماۋسىم كۇنگى اۋا رايى بولجامىن جاريالادى
اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە كەي جەرلەردە نايزاعاي جارقىلداپ، جاڭبىر جاۋادى. جەل كۇشەيەدى. بۇرشاق جاۋۋى ىقتيمال. سولتۇستىكتە تۇمان تۇسەدى، تەك قازاقستانىڭ باتىسى مەن وڭتۇستىگىندە جاۋىن-شاشىن بولمايدى، كۇن اشىق.
سولتۇستىك قازاقستان وبلىسىنىڭ كەي جەرلەرىندە جەل كۇشى - 15-20، تۇندە ەكپىنى - 23 م/س. تۇمان ءتۇسىپ، كۇن كۇركىرەيدى. بۇرشاق جاۋۋى مۇمكىن.
قاراعاندى، شىعىس قازاقستان وبلىستارىنىڭ كەي جەرلەرىندە نايزاعاي جارقىلداپ، جەلدىڭ كۇشى 15-20 م/س جەتەدى.
بۇرشاق جاۋۋى مۇمكىن. قاراعاندى وبلىسىندا داۋىل تۇرادى. پاۆلودار وبلىسىنىڭ كەي جەرلەرىندە نايزاعاي، تۇمان كۇتىلەدى، جەلدىڭ كۇشى نايزاعاي كەزىندە - 18 م/س.
اقمولا وبلىسىنىڭ كەي جەرلەرىندە كۇن كۇركىرەپ، داۋىل تۇرادى. جەلدىڭ كۇشى - 15-20 م/س. كۇندىز بۇرشاق جاۋۋى مۇمكىن.
قوستاناي وبلىسىنىڭ كەي جەرلەرىندە نايزاعاي ويناپ، كۇندىز جەلدىڭ كۇشى 15-20 م/س جەتەدى. الماتى، تۇركىستان وبلىستارىنىڭ كەي جەرلەرىندە جەلدىڭ كۇشى - 15-20 م/س. الماتى وبلىسىندا نايزاعاي جارقىلدايدى.
كۇندىز اقتوبە وبلىسىندا قاتتى، كەي جەرلەردە وتە قاتتى ىستىق ساقتالادى. كۇندىز الماتى، قىزىلوردا وبلىستارىندا اپتاپ ىستىق كۇتىلەدى.
اتىراۋ، ماڭعىستاۋ، باتىس قازاقستان وبلىستارىندا كۇندىز اپتاپ، كەي جەرلەرىندە وتە قاتتى ىستىق بولادى. ماڭعىستاۋ، اتىراۋ، تۇركىستان، باتىس قازاقستان، قىزىلوردا، اقتوبە، قوستاناي، الماتى وبلىستارىندا جوعارى ءورت قاۋپى ساقتالادى.