قازاقستاندا 24 -مامىردا وتەتىن ماڭىزدى شارالارعا شولۋ
استانا
ساعات 9.00-دە مەديتسينالىق ۋنيۆەرسيتەتتە ۋرولوگتار مەن اندرولوگتاردىڭ I حالىقارالىق كونگرەسى وتەدى.
ساعات 10.00-دە ءاليحان بوكەيحان №15 -مەكەنجايىندا قازاقستاننىڭ تاۋەلسىزدىگى مەن ەركىندىگى ءۇشىن كۇرەس جۇرگىزىپ، وپات بولعان تۇلعالاردى اقتاۋ مەن ولاردىڭ ماڭگى ەستە قالدىرۋعا باعىتتالعان «قاھارماندار» قوعامدىق قورى كەڭسەسىنىڭ سالتاناتتى اشىلۋى وتەدى.
ساعات 10.30-دا «قازاقستانداعى عارىش كۇندەرى» مەن «KADEX-2018» حالىقارالىق كورمەسىن وتكىزۋ اياسىندا ۇلتتىق عارىش ورتالىعىندا قازاقستان، رەسەي، جاپونيا ەلدەرىنىڭ عارىشكەرلەرى مەن استانا قالاسىنداعى مەكتەپ وقۋشىلارىنىڭ كەزدەسۋى باستالادى.
ساعات 11.00-دە ءماجىلىستىڭ ەكونوميكالىق رەفورما جانە وڭىرلىك دامۋ كوميتەتى «نۇرلى جەر» تۇرعىن ءۇي باعدارلاماسىن ىسكە اسىرۋ بارىسى تۋرالى» اتتى دوڭگەلەك ۇستەل وتكىزەدى. دەپۋتاتتاردىڭ الدىندا ينۆەستيتسيالار جانە دامۋ ۆيتسە- ءمينيسترى قايىربەك وسكەنبايەۆ بايانداما جاسايدى.
ساعات 11.00-دە «الپامىس» تەاتر-سيرك شوۋى الاڭىندا باسپا ءسوز تۋرى باستالادى.
ساعات 12.20-دا ورتالىق كوممۋنيكاتسيالار قىزمەتىندە تەڭگە ىلۋدەن II ازيا چەمپيوناتى مەن اۋدارىسپاقتان IIIازيا چەمپيوناتىن وتكىزۋ تۋرالى باسپا ءسوز ءماسليحاتى وتەدى.
ساعات 12.30-دا «حيلتون» قوناق ۇيىندە ۇ ق ش ۇ- عا مۇشە مەملەكەتتەردىڭ قاۋىپسىزدىك كەڭەسى حاتشىلارى كوميتەتىنىڭ كەزەكتى وتىرىسى باستالادى.
ساعات 15:00-دە «ەلباسىنىڭ «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ اياسىندا قازاقستان رەسپۋبليكاسىنداعى قاتتى تۇرمىستىق قالدىقتاردى كادەگە جاراتۋ مەن باسقارۋ تەتىگىن جەتىلدىرۋ» تاقىرىبىندا «نۇر وتان» پارتياسىنىڭ ورتالىق اپپاراتىندا دوڭگەلەك ۇستەل وتەدى.
ساعات 15:00-دە ەۋرازيا ۇلتتىق ۋنيۆەرسيتەتىنىڭ باس عيماراتىنىڭ عىلىمي زالىندا استانانىڭ 20 جىلدىعىنا ارنالعان «استانا - تاۋەلسىز قازاقستاننىڭ سيمۆولى» اتتى حالىقارالىق عىلىمي- پراكتيكالىق كونفەرەنسيا وتكىزىلەدى.
ساعات 15.00-دە ءيزرايلدىڭ قازاقستانداعى ەلشىلىگى الجير مۋزەي- مەموريالدىق كەشەنىنىڭ اۋماعىندا ەسكەرتكىش تاقتاسىن اشادى.
ساعات 16.00-دە اقوردادا ق ر مەملەكەتتىك حاتشىسى گۇلشارا ءابدىحالىقوۆانىڭ ءتوراعالىق ەتۋىمەن شەتەلدە كادرلاردى دايارلاۋ جونىندەگى رەسپۋبليكالىق كوميسسيانىڭ وتىرىسى وتەدى.
ساعات 16.30-دا قازاقستان رەسپۋبليكاسىنىڭ ۇلتتىق مۋزەيىندە «عاجاپ قىتاي. اسپان استى ەلىنىڭ تارتىمدى ورىندارى» فوتوكورمەسى اشىلادى.
ساعات 17.00-دە ەلباسى كىتاپحاناسىندا «قازاقستانداعى وليمپيادالىق قوزعالىس» اتتى تۇراقتى ەكسپوزيتسياسىنىڭ سالتاناتتى اشىلۋى بولادى. ەكسپوزيتسيانىڭ اشىلۋى 23 -ماۋسىمدا جىل سايىن اتاپ وتىلەتىن حالىقارالىق وليمپيادا كۇنىن مەرەكەلەۋگە سايكەس كەلىپ وتىر. ءىس-شارا بارىسىندا قازاقستانداعى وليمپيادا قوزعالىسىنىڭ ايلىعى باستالادى.
الماتى
ساعات 10.00-دە قازاقستان رەسپۋبليكاسى ءبىلىم جانە عىلىم مينيسترلىگىنىڭ فيلوسوفيا، ساياساتتانۋ جانە ءدىنتانۋ ينستيتۋتى «قازاقستان قوعامىن جاڭعىرتۋ پروتسەسىندەگى ءدىن جانە زايىرلىلىق» تاقىرىبىندا دوڭگەلەك ۇستەل وتكىزەدى.
ساعات 10.30-دا حالىقارالىق بالالاردى قورعاۋ كۇنى قارساڭىندا قازاقستان رەسپۋبليكاسى تۇڭعىش پرەزيدەنتى - ەلباسى قورى مارات وسپانوۆ اتىنداعى قورمەن بىرگە بالالار شىعارماشىلىعى مەرەكەسىن - «مەيىرىم» فەستيۆالىن ۇيىمداستىرادى.
ساعات 14.00-دە الماتى قالاسىنداعى وقۋشىلار سارايىنىڭ الدىنداعى الاڭدا مەدەۋ اۋدانى اكىمى ەرجان جىلقىبايەۆتىڭ ازاماتتاردىڭ كەزەكتى كوشپەلى قوعامدىق قابىلداۋىن وتكىزەدى.
شىمكەنت
ساعات 12:00-دە شىمكەنتتە ءتۇرلى ماماندىق يەلەرى - 100 ادامنىڭ قاتىسۋىمەن فلەشموب وتەدى. ءىس-شارا كاسىپوداقتار كۇنىنە ارنالادى. وتەتىن ورنى - تاۋەلسىزدىك ساياباعى.
كوكشەتاۋ
ساعات 11:00-دە كوكشەتاۋ قالاسىنىڭ دوستىق ۇيىندە «مەرەيلى وتباسى» ۇلتتىق كونكۋرسىنىڭ وبلىستىق كەزەڭىنىڭ جەڭىمپازدارىن ماراپاتتاۋ ءراسىمى وتكىزىلەدى.
ساعات 15:00-دە وڭىرلىك كوممۋنيكاتسيالار قىزمەتىندە اقمولا وبلىسىنىڭ اۋىل شارۋاشىلىعى باسقارماسى باسشىسىنىڭ ورىنباسارى ديماش تالاسبايەۆتىڭ قاتىسۋىمەن «2018 -جىلعى كوكتەمگى ەگىس جۇمىستارىنا دايىندىق جانە مىندەتتەر تۋرالى» بريفينگ وتەدى.
اتىراۋ
ساعات 12.00-دە اتىراۋ وبلىسى كاسىپكەرلىك جانە يندۋستريالىق - يننوۆاتسيالىق دامۋ باسقارماسى استانانىڭ 20 -جىلدىق مەرەيتويىنا ارنالعان ق ر وڭىرلەرىندە استانانىڭ كۇندەرى اياسىندا «استانا- اتىراۋ وبلىسىنىڭ ايماقارالىق ىنتىماقتاستىق بيزنەس- فورۋمىن وتكىزەدى. شارانىڭ وتەتىن ورنى - وبلىس اكىمدىگىنىڭ 2-قاباتىنداعى ءماجىلىس زالى.
اقتوبە
ساعات 11.00-دە اقتوبە وبلىسىنىڭ وڭىرلىك كوممۋنيكاتسيالار قىزمەتى الاڭىندا «قالانى دامىتۋدىڭ باس جوسپارى. جەكە تۇرعىن ءۇي قۇرىلىسى ءۇشىن جەر ۋچاسكەلەرىن ءبولۋ، جەر ۋچاسكەلەرىن تۇگەندەۋ» تاقىرىبىندا باسپا ءسوز ءماسليحاتى وتەدى.
ساعات 14.30-دا شىعارماشىلىق اكادەمياسىندا «مەرەيلى وتباسى» ۇلتتىق بايقاۋى وبلىستىق كەزەڭىنىڭ قورىتىندىسى بويىنشا ۇزدىك وتباسىلاردى سالتاناتتى ماراپاتتاۋ ءراسىمى بولادى.