بيىل ەلىمىزدە 24 راديوتەلەۆيزيا ستانساسى ىسكە قوسىلادى
«تەلەراديو حابارىن تاراتۋ سالاسىندا ءبىرىڭعاي اقپاراتتىق كەڭىستىك قۇرۋ اياسىندا سپۋتنيكتىك جانە ەفيرلىك تەلەراديو حابارىن تاراتۋ قىزمەتىن ەنگىزۋ بويىنشا ءبىرشاما ءىس- شارا جۇزەگە اسىرىلۋدا. ماسەلەن، «OTAU TV» تىكەلەي سپۋتنيكتىك حابار تاراتۋ قىزمەتى بۇكىل قازاقستان اۋماعىن 100 پايىز قامتيدى. بۇل قىزمەتتە قازىرگى كەزدە 1,4 ميلليون پايدالانۋشى تىركەلگەن. ونىڭ شامامەن 80 پايىزى - اۋىلدىق ەلدى مەكەندەر. سونىمەن قاتار، قازاقستان رەسپۋبليكاسىندا سيفرلىق ەفيرلىك تەلەحابار تاراتۋعا كەزەڭ- كەزەڭىمەن كوشۋ بويىنشا جۇمىس جۇرگىزىلۋدە. س ە ت ح ت جوباسىنا سايكەس 827 راديوتەلەۆيزيالىق ستانسا سالۋ جانە جاڭعىرتۋ جوسپارلانۋدا»، - دەپ اتاپ وتەدى مينيستر.
ونىڭ اتاپ وتۋىنشە، 2020 -جىلعى 1 - قازانداعى جاعداي بويىنشا 518 ر ت س پايدالانۋعا بەرىلگەن. بۇل قازاقستان حالقىنىڭ 89,3 پايىزىن س ە ت ح ت- مەن قامتيدى.
«2020 -جىلدىڭ سوڭىنا دەيىن تاعى 24 ر ت س ىسكە قوسىلادى. شىعىس قازاقستان وبلىسى بويىنشا قازىرگى ۋاقىتتا جوسپارلانعان 183 س ە ت ح ت نىسانىنىڭ 118 ر ت س- ءى پايدالانۋعا بەرىلدى. جالپى حالىق سانى 1,2 ميلليون ادامنان استام 625 ەلدى مەكەندى قامتىدى. س ە ت ح ت ەنگىزىلۋىمەن رەسپۋبليكالىق ماڭىزى بار قالالار مەن وبلىس ورتالىقتارى دەڭگەيىندە تۇرعىندارعا 30-عا جۋىق، ال وبلىس ورتالىعىنان شالعاي جاتقان ەلدى مەكەندەردە 15-كە دەيىن تەلەارنا قولجەتىمدى بولدى»، - دەدى ايدا بالايەۆا.
اۆتور: مارلان جيەمباي