بيىل قوعامدىق ورىنداردا حالىقتىڭ مازاسىن العان 249 تاكسيست جازالاندى
ولاردىڭ 55 ى زاڭسىز قىزمەت كورسەتەتىنى انىقتالدى، دەپ حابارلايدى قازاقپارات ءتىلشىسى.
ق ر ىشكى ىستەر مينيسترلىگى كولىكتەگى پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، الماتى-2 ستانسياسىنداعى پوليتسيا جەلىسىنىڭ بولىمىنە 39 جاستاعى الماتى قالاسىنىڭ تۇرعىنى شاعىمدانعان. ول تەمىرجول ۆوكزالىنىڭ ىشىندە جولاۋشىلاردى مازالاپ، تاسىمالداۋ بويىنشا ءوز قىزمەتتەرىن ۇسىنعان بەلگىسىز ازاماتتارعا قاتىستى شارا قابىلداۋدى وتىنگەن.
«تەكسەرۋ بارىسىندا كولىك پوليتسياسىنىڭ قىزمەتكەرلەرى 1963, 1971 جانە 1994 -جىلعى ازاماتتاردى انىقتاپ، ۇستادى. قۇقىقبۇزۋشىلارعا قاتىستى ق ر ا ق ب ت ك 449-بابى 1-بولىگى بويىنشا اكىمشىلىك حاتتاما تولتىرىلدى»، - دەپ حابارلادى دەپارتامەنتتەن.
2019 -جىلدىڭ قاڭتار ايىنان باستاپ ەلىمىزدەگى اۋە قىزمەتتەرى مەن تەمىرجول نىساندارىندا قوعامدىق ورىندا ازاماتتاردىڭ مازاسىن العانى ءۇشىن 249 ادام جاۋاپقا تارتىلدى. ولاردىڭ 55 ى زاڭسىز جۇمىس جۇرگىزەتىن تاكسيستەر ەكەنى انىقتالعان.