ەلىمىزدە كوروناۆيرۋس جۇقتىرعان 246 ناۋقاستىڭ جاعدايى اۋىر - د س م
«10- تامىزداعى اقپاراتقا سايكەس كوروناۆيرۋس ينفەكتسياسىنان 25650 ادام ەمدەلىپ جاتىر. ولاردىڭ اراسىندا 105 بالا بار. ستاتسيونارلاردا 4713 ناۋقاس جاتىر. 20937 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 246 ادامنىڭ احۋالى ناشار. سونىڭ ىشىندە 69 ناۋقاستىڭ جاعدايى اسا اۋىر دەپ باعالانۋدا. 70 ناۋقاس وكپەنى جاساندى جەلدەتۋ اپپاراتىنا قوسىلعان»، دەلىنگەن حابارلامادا.
ق ر دەنساۋلىق ساقتاۋ مينيسترلىگى بۇدان بىلاي كۇن سايىنعى ناتيجە تۋرالى اقپاراتتى كۇن سايىن ۇنەمى ۇزبەي جاريالاپ وتىرادى.
«بارلىق مالىمەت رەسمي سايتتا جانە ۆەدموستۆانىڭ الەۋمەتتىك جەلىدەگى پاراقشالارى ارقىلى تاراتىلادى. اتاپ ايتقاندا، ناۋقاستاردىڭ جالپى سانى جونىندە، قايتىس بولۋ دەرەكتەرى تۋرالى جانە دە قوعام ءۇشىن ماڭىزدى احۋالدىڭ بارلىعى رەسمي اقپارات تاراتۋ كوزدەرىندە جەدەل جاريالانىپ تۇرادى. ال، ايماقتارداعى احۋال تۋرالى اقپاراتتى اپتا سايىن دەنساۋلىق ساقتاۋ مينيسترلىگىنىڭ رەسمي وكىلى ارنايى بريفينگتە حابارلانادى»، دەلىنگەن حابارلامادا.