باتىس قازاقستان وبلىسىندا رەسەي ازاماتى 242 ميلليون تەڭگەنىڭ كيىك مۇيىزىمەن ۇستالدى
ق ر ۇلتتىق قاۋىپسىزدىك كوميتەتى شەكارا قىزمەتى «باتىس» وڭىرلىك باسقارماسى 2029-اسكەري ءبولىمىنىڭ اسكەري قىزمەتشىسى، كاپيتان ازامات بيمانوۆتىڭ ايتۋىنشا، زاڭدى بۇزعان ازامات بۇگىن، تاڭعى ساعات 06.00 دە اقساي اۆتوموبيل وتكىزۋ بەكەتىندە ۇستالدى.
«شەكارالىق باقىلاۋدى جۇزەگە اسىرۋ كەزىندە رەسەيلىك ازامات تىزگىندەگەن اۆتوكولىكتىڭ جۇك سالعىشىنداعى جول سومكەسىنەن كيىكتىڭ جاڭادان كەسىلگەن 128 دانا ءمۇيىزى تابىلدى. ءمۇيىزدىڭ جالپى سالماعى 28 ك گ 914 گرامدى قۇرادى. قۇنى 242,4 ميلليون تەڭگەگە باعالاندى» ، - دەلىنگەن تاراتىلعان حابارلامادا.
اتالعان ازامات قازاقستاننان رەسەيگە بارا جاتقان.
ب ق و پوليتسيا دەپارتامەنتىنىڭ باسپا ءسوز قىزمەتى وسى وقيعاعا بايلانىستى ق ر ق ك- ءنىڭ 339-بابىنا سايكەس قىلمىستىق ءىس قوزعالىپ، ءبورلى اۋدانى پوليتسيا ءبولىمى تەرگەۋ امالدارىن باستاعانىن جەتكىزدى.
ەسكە سالا كەتەيىك، بۇدان بۇرىن ب ق و تۇرعىنىنىڭ 348 دانا كيىك مۇيىزىمەن ۇستالعانىن جازعان بولاتىنبىز.