استانادا كادر ىزدەگەن جۇمىس بەرۋشىلەر كوبىندە 240 مىڭ تەڭگە ايلىق ۇسىنادى

استانا. قازاقپارات - ەلوردالىق ەڭبەك نارىعى - قازاقستانداعى ەڭ دامىعان نارىقتىڭ ءبىرى سانالادى. وسى جىلدىڭ ءبىرىنشى جارتىجىلدىعىندا ەلوردادا 40 مىڭنان استام بوس جۇمىس ورنى اشىلعان، دەپ حابارلايدى قازاقپارات HeadHunter شولۋىنا سىلتەمە جاساپ.

وتكەن جىلى استانا ەڭبەك نارىعىنداعى ۆاكانسيا سانى %23 ارتتى، تۇيىندەمەنىڭ ءوسىمى - %13.

ءبىر بوس ورىنعا ورتا ەسەپپەن ءۇش- ءتورت ادام ۇمىتكەر.

جۇمىس بەرۋشىلەر hh.kz سايتىندا جۇمىس ىزدەگەندەرگە ورتا ەسەپپەن 240 مىڭ تەڭگە (قازاقستان بويىنشا ەڭ جوعارى كورسەتكىش) ۇسىنعان. ال ىزدەنۋشىلەر كۇتكەن ەڭبەكاقى - 290 مىڭ تەڭگە.

وتكەن جىلى قىزمەتكەرلەرگە ەڭ ۇلكەن سۇرانىس ساتۋ، بۋحگالتەرلىك ەسەپ، قارجى، اكىمشىلىك- باسقارۋ پەرسونالى جانە اقپاراتتىق تەحنولوگيالار سالاسىندا بايقالادى.

جۇمىس بەرۋشىلەر اراسىندا جاس ماماندارعا سۇرانىس جوعارى. بۇكىل بوس جۇمىس ورىندارىنىڭ %16 سولارعا ارنالعان.

ەلوردا تۇرعىندارى كوبىندە ساتۋ مەنەدجەرى، ساتۋشى-كەڭەسشى، اكىمشى جانە بۋحگالتەر رەتىندە جۇمىس ىزدەيدى.