ەلوردادا كارانتين تالابىن بۇزعاندارعا 240 ميلليون تەڭگەگە جۋىق ايىپپۇل سالىندى
ەلوردادا وتكەن جىلدىڭ ەكىنشى جارتى جىلدىعىندا مونيتورينگ توپتارى كارانتينگە قاتىستى 5 مىڭنان استام رەيد جۇرگىزدى. مىسالى، 2020 -جىلدىڭ 9 - قازانىنان باستاپ وسى جىلدىڭ 17 - قاڭتارىنا دەيىن ارالاۋ بارىسىندا 1309 زاڭ بۇزۋ فاكتىسى انىقتالدى. ونىڭ ىشىندە: الماتى اۋدانىندا – 347، بايقوڭىر اۋدانىندا — 273، ەسىل اۋدانىندا — 398، سارىارقا اۋدانىندا 291 فاكتى تىركەلدى.
ايتا كەتۋ كەرەك، كارانتين رەجيمىن قاساقانا بۇزۋشىلارعا قاتىستى ماتەريالدار سوتقا جىبەرىلەدى. وسىلايشا، ەلوردالىق اكىمشىلىك سوتتىڭ شەشىمىمەن ءبىرقاتار مەكەمەنىڭ قىزمەتى توقتاتىلدى. بۇعان دەيىن اتالعان ساۋدا سۋبەكتىلەرىنە كارانتين تالاپتاردى ساقتاۋ جونىندە ەسكەرتۋ جاسالعان بولاتىن. ەگەر جۇمىسىن توقتاتۋ تۋرالى سوت شەشىمى ورىندالماعان جاعدايدا مەكەمە باسشىلارى اكىمشىلىك قاماۋعا الىنادى. قازىرگى ۋاقىتتا كارانتين شارالارىن ساقتاماعانى ءۇشىن قوعامدىق مەكەمەلەرگە قاتىستى تاعى 12 ماتەريال سوت قاراۋىندا جاتىر.
وسى ۋاقىتقا دەيىن نۇر- سۇلتان قالاسىنىڭ سانيتارلىق- ەپيدەميولوگيالىق باقىلاۋ دەپارتامەنتىنە كارانتيندى بۇزۋعا جول بەرگەن تۇلعالارعا قاتىستى 2484 ماتەريال كەلىپ ءتۇستى، ولار بويىنشا 1224 جەكە، لاۋازىمدى جانە زاڭدى تۇلعا جالپى سوماسى 239633450 تەڭگەگە اكىمشىلىك جاۋاپكەرشىلىككە تارتىلدى. بۇگىنگى كۇنى 190988725 تەڭگەگە 1016 اكىمشىلىك ايىپپۇل وتەلدى.