ق ر ۇلتتىق قاۋىپسىزدىك كوميتەتى ۇرلانعان 240 كەلى ۋرانمەن قىلمىستىق توپتى ۇستادى
«2019-جىلدىڭ 23- قازانىندا ق ر ۇ ق ك قىزمەتكەرلەرى قىزىلوردا وبلىسى اۋماعىندا 240 كەلى ۋران كونتسەنتراتىن ساتۋ ارەكەتىنىڭ جولىن كەستى. وتكىزىلگەن ارنايى وپەراتسيا ناتيجەسىندە قىلمىستىق توپتىڭ 4 مۇشەسى قىلمىس ۇستىندە ۇستالدى. ولارعا قىلمىستىق كودەكستىڭ 283-بابى 2-بولىگى بويىنشا («راديواكتيۆتى زاتتارمەن، راديواكتيۆتى قالدىقتارمەن، يادرولىق ماتەريالدارمەن زاڭسىز جۇمىس ىستەۋ») كۇدىك كەلتىرىلدى.
يادرولىق فيزيكا ينستيتۋتى ماماندارىنىڭ قورىتىندىسى بويىنشا، الىنعان ۋران كونتسەنتراتى قاۋىپتى راديواكتيۆتى زات بولىپ تابىلادى. كورسەتىلگەن زاتتىڭ ساۋلەلەنۋ دەڭگەيى رۇقسات ەتىلگەن كورسەتكىشتەن بىرنەشە ەسە ارتىق جانە قورشاعان ورتا مەن حالىق دەنساۋلىعىنا قاتەرلى قاۋىپ توندىرەدى (راديولوگيالىق جانە توكسيكولوگيالىق زارداپتار)» ، - دەلىنگەن ق ر ۇ ق ك حابارلاماسىندا.
تەرگەۋ مالىمەتتەرىنە سايكەس، قىلمىستىق توپ وكىلدەرى راديواكتيۆتى زاتتى ۆانادي كەن ورنىن يگەرەتىن كاسىپورىننان ۇرلاعان.
«باسقا اقپارات سوتقا دەيىنگى تەرگەۋ مۇددەسىندە جاريا ەتىلمەيدى»، - دەپ قوسىپ ءوتتى كوميتتەن.
