ەلوردا تۇرعىندارىنىڭ سانى 24 جىلدا 4 ەسە ءوستى
6 شىلدە 12:06

ەلوردا تۇرعىندارىنىڭ سانى 24 جىلدا 4 ەسە ءوستى

نۇر- سۇلتان. قازاقپارات - بۇگىن - استانا كۇنى. بيىل ەلوردامىزعا 24 جىل. وسى ۋاقىت ىشىندە قالا تۇرعىندارىنىڭ سانى 4 ەسە ءوستى، دەپ حابارلايدى قازاقپارات ءتىلشىسى ق ر ۇلتتىق ستاتيستيكا بيۋروسىنا سىلتەمە جاساپ.

بيۋرو ۇسىنعان مالىمەتكە سايكەس، 1998 -جىلى ەل استاناسى اتانعان اقمولا قالاسىندا 326 مىڭ ادام تۇرعان. سودان بەرى ەلوردا تۇرعىندارىنىڭ سانى 4 ەسەگە جۋىق ءوسىپ، قازىر 1 ميلليون 262 مىڭ ادامعا جەتتى.

استانادا 24 جىل بۇرىنعىداي ايەلدەردىڭ سانى باسىم. ەگەر سول ۋاقىتتا قالادا 174 مىڭ ايەل جانە 152 مىڭ ەر ادام تۇرعان بولسا، قازىر ايەلدەر سانى - 657 مىڭ (%52)، ەرلەر - 605 مىڭ (%48).

1998 -جىلى ەلوردادا 3400 بالا دۇنيەگە كەلسە، 2021 -جىلى 31 مىڭ بالا تۋعان، وسىلايشا تۋۋ كوەففيتسيەنتى 11-دەن 25,9-عا (مىڭ ادامعا شاققاندا) دەيىن ءوستى.

1998 -جىلى قالادا 48 جالپى ءبىلىم بەرەتىن مەكتەپ جۇمىس ىستەگەن. قازىر ولاردىڭ سانى - 147. ال، اۋرۋحانا ۇيىمدارىنىڭ سانى 15-تەن 45-كە دەيىن ارتتى.

ايتا كەتەيىك، بۇگىن قازاقستاندا مەملەكەتتىك مەرەكە - استانا كۇنى.

جاڭالىقتار