تارتىپسىزدىكتەر كەزىندە جاراقات العان 23 ادام كۇزەتىلەتىن پالاتالاردا ەم الىپ جاتىر
بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ۆەدومستۆونىڭ اقپارات الاڭىنداعى ونلاين بريفينگىدە ايتتى، دەپ حابارلايدى قازاقپارات ءتىلشىسى.
«قاڭتار ايىندا بولعان جاپپاي تارتىپسىزدىكتەر كەزىندە پوليتسيا كۇشتەرى مەن اسكەري قىزمەتشىلەر ەلدە قۇقىقتىق ءتارتىپتى ورناتۋ بويىنشا اۋقىمدى وپەراتسيالار جۇرگىزدى. تەرگەۋ يزولياتورىنىڭ ىشكى ءتارتىپ قاعيدالارىنا سايكەس، ۋاقىتشا ۇستاۋ يزولياتورىنا تۇسكەن بارلىق ادامدار COVID-19 ۆيرۋسىنا پ ت ر- تەستەرىنىڭ تەرىس ناتيجەسىمەن قابىلدانادى جانە مىندەتتى تۇردە مەديتسينالىق تەكسەرۋدەن وتەدى»، - دەدى مينيسترلىكتىڭ رەسمي وكىلى.
ونىڭ ايتۋىنا قاراعاندا، دەنە جاراقاتتارى نەمەسە اۋرۋلارى انىقتالعان كەزدە ولارعا دەرەۋ مەديتسينالىق كومەك كورسەتىلۋدە.
«ءاربىر وسىنداي فاكت تۋرالى پروكۋراتۋرا ورگاندارىنا حابارلانادى. مەكەمەدە بىلىكتى مەديتسينالىق كومەك كورسەتۋ بولماعان جاعدايدا ولار ازاماتتىق دەنساۋلىق ساقتاۋ ۇيىمدارىنا جەتكىزىلىپ، كۇزەتىلەتىن پالاتالاردا ەمدەلەدى. بۇگىندە وسىنداي تارتىپپەن 23 ادام ەم الۋدا»، - دەدى ءنۇردىلدا وراز.
اۆتور: ەسىمجان ناقتىباي