+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

ۇسىك، نايزاعاي، شاڭدى داۋىل: 23-قىركۇيەككە ارنالعان اۋا رايى

23 قىركۇيەك 10:22
:ءبولىسۋ
ۇسىك، نايزاعاي، شاڭدى داۋىل: 23-قىركۇيەككە ارنالعان اۋا رايى

نۇر- سۇلتان. قازاقپارات - «قازگيدرومەت» ر م ك ماماندارى 23-قىركۇيەك كۇنى ەل اۋماعىندا اۋا رايى قانداي بولاتىنىن جاريالادى، دەپ حابارلايدى قازاقپارات.

قازاقستاننىڭ باتىسىندا، وڭتۇستىك- باتىسىندا جانە سولتۇستىگىندە، سونداي- اق وڭتۇستىك- شىعىسىنىڭ تاۋلى اۋداندارىندا فرونتتاردىڭ ىقپالىمەن اۋا رايى قۇبىلمالى بولادى. سونىڭ اسەرىنەن جاڭبىر جاۋادى، ەلدىڭ وڭتۇستىك- باتىسى مەن وڭتۇستىك- شىعىسىنىڭ تاۋلى اۋداندارىندا نايزاعاي جارقىلدايدى. سولتۇستىگىندە ازداعان جاۋىن- شاشىن بولادى.

رەسپۋبليكانىڭ قالعان اۋماعىندا جاۋىن- شاشىنسىز اۋا رايى كۇتىلەدى. باتىسىندا، وڭتۇستىك- باتىسىندا جانە وڭتۇستىك- شىعىستىڭ تاۋلى اۋداندارىندا جەل كۇشەيىپ، باتىسىندا جانە وڭتۇستىك- باتىسىندا شاڭدى داۋىل سوعادى. رەسپۋبليكانىڭ سولتۇستىگىندە، سولتۇستىك- باتىسىندا جانە وڭتۇستىك- باتىسىندا تۇمان تۇسەدى. ماڭعىستاۋ وبلىسىنىڭ باتىسىندا جانە ورتالىعىندا نايزاعاي وينايدى. تۇندە جانە تاڭەرتەڭ جاعالاۋدا تۇمان كۇتىلەدى، كۇندىز وبلىستىڭ سولتۇستىك- شىعىسىندا شاڭدى داۋىل بولادى، جەل ەكپىنى - 15-20 م/س. تۇندە جامبىل وبلىسىنىڭ تاۋلى اۋداندارىندا كۇن كۇركىرەيدى. جەل قارقىنى 15-20 م/س دەيىن كۇشەيەدى.

كۇندىز قىزىلوردا وبلىسىنىڭ سولتۇستىك- باتىسىندا جانە ورتالىعىندا سەكۋندىنا 15-20 مەتر جىلدامدىقپەن جەل تۇرادى. كۇندىز اتىراۋ وبلىسىنىڭ وڭتۇستىك- شىعىسىندا، وڭتۇستىگىندە جانە ورتالىعىندا شاڭدى داۋىل سوعادى. كۇندىز ءوڭىردىڭ باسىم بولىگىندە جەلدىڭ كۇشى 15-20 م/س جەتەدى.

باتىس قازاقستان وبلىسىنىڭ وڭتۇستىگىندە، وڭتۇستىك- باتىسىندا، كۇندىز اقتوبە وبلىسىنىڭ وڭتۇستىگىندە جانە باتىسىندا جەل جىلدامدىعى 15-20 م/س بولادى. پاۆلودار وبلىسىنىڭ سولتۇستىگىندە جانە باتىسىندا، تۇندە جانە تاڭەرتەڭ قوستاناي وبلىسىنىڭ سولتۇستىگىندە، سولتۇستىك- باتىسىندا، سولتۇستىك قازاقستان وبلىسىنىڭ سولتۇستىك- باتىسىندا، اقمولا وبلىسىنىڭ وڭتۇستىك- شىعىسىندا، شىعىس قازاقستان وبلىسىنىڭ سولتۇستىك- شىعىسىندا تۇمان تۇسەدى.

تۇندە الماتى، جامبىل وبلىستارىنىڭ سولتۇستىگىندە، تاۋلى جانە تاۋ بوكتەرىندەگى اۋداندارىندا توپىراق بەتىندە 1-3 گرادۋس ۇسىك جۇرەدى.

تۇركىستان، قىزىلوردا، الماتى وبلىستارىنىڭ باسىم بولىگىندە، اقتوبە، قاراعاندى، شىعىس قازاقستان وبلىستارىنىڭ وڭتۇستىگىندە توتەنشە ءورت قاۋپى ساقتالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات