+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

ليەۆون اراكەلياننىڭ 23 جىل بويى سالعان عاجايىپ عيباداتحاناسى

14 قاڭتار 22:45
:ءبولىسۋ
ليەۆون اراكەلياننىڭ 23 جىل بويى سالعان عاجايىپ عيباداتحاناسى

نۇر-سۇلتان. قازاقپارات - ادامزات ەجەلدەن جەر بەتىندە تەڭدەسى جوق ونەر تۋىندىسىن مۇرا ەتىپ قالدىرۋدى وزىنە مىندەت ساناعان. ريم زامانىنداعى اتاقتى كولليزەي نەمەسە جاھانشاحتىڭ ايەلى مۇمتاز ماحالعا ارناپ سالدىرعان ءتاج ماحالدى ادام ءوز قولىمەن سالعانىن ءبارى بىلەدى.

ءبىراق جۇمباعى كوپ پيراميدالاردى ادامزات تۇرعىزدى دەگەنگە قازىر كوپشىلىك كۇمانمەن قارايدى. الىپ پيراميدالاردى قۇرۋعا ول كەزدەگى ادامداردىڭ قۇرىلىس سالاسىنداعى ءبىلىمى ازدىعىن العا تارتادى. كەي كاسىبي قۇرىلىسشىلاردىڭ ءوزى 40 توننالىق تاستى جاڭا تەحنولوگيامەن كەسىپ، وسىنداي الىپ پيراميدا سالۋ قيىن ەكەنىن ايتادى. ءبىراق ليەۆون اراكەلياننىڭ ءومىر جولىنا قاراپ وتىرىپ، مۇنىڭ بارلىعى راس ەكەنىنە كوز جەتكىزەسىز.

ارمەنياداعى اريندج اۋىلىنىڭ تۇرعىنى توسيا گاريبيان كۇيەۋى ليەۆون اراكەلياننان كارتوپ قويۋ ءۇشىن ۇيىنەن جەرتولە قازىپ بەرۋدى سۇراعان. 1985 -جىلى جاسالعان بۇل ءوتىنىش قۇرىلىسشى ليەۆون اراكەلياننىڭ بۇكىل ءومىرىن وزگەرتتى. ليەۆون العاشىندا جەرتولە قازامىن دەپ قولىنا بالعا مەن قاشاۋ العانىمەن، بۇل ءىسىن 23 جىل بويى جالعاستىرىپ، اقىرىندا تەڭدەسى جوق عيباداتحانا سالىپ شىققان. قازىر مۇراجايعا اينالعان ليەۆوننىڭ عيباداتحاناسىنا الەمنىڭ تۇكپىر- تۇكپىرىنەن تۋريستەر كەلەدى.

ايەلى ءتوسيدىڭ ايتۋىنشا، جەرتولە قازىپ جاتقان ليەۆون ءتۇس كورگەن. تۇسىندە وعان: «ليەۆون، سەن الەمدەگى تەڭدەسى جوق عاجايىپ عيباداتحانا سالاسىڭ. جۇمىستىڭ قيىندىعىنان اۋىرىپ قالاتىن كەزىڭ دە بولادى، ءبىراق اۋرۋدان قورىقپا. تۇسىڭدە نە كورسەڭ، سونى وڭىڭدە قايتالا»، - دەپ ايان بەرىلگەن.

بارلىعى 1985 -جىلى وسى جەردەن باستالعان

وسىدان كەيىن شەبەر تەك جەرتولە ەمەس، ۇڭگىر قازۋعا شەشىم قابىلداعان. ليەۆون ەلەكتروتەحنيكانى پايدالانۋدان باس تارتىپ، تەك قاشاۋ، بالعامەن جۇمىس ىستەگەن. جۇمىس بارىسىندا ونىڭ الدىنان توپىراقتىڭ ءارتۇرلى قاباتى شىعادى، بازالت تاستار كەزدەسكەندە كۇنىنە 7 سانتيمەتر قازعان كەزدەرى دە بولعان. ءبىراق كۇنىنە 18 ساعات بويى جۇمىس ىستەگەن ليەۆونعا بۇل كەدەرگى بولا الماعان.

«كۇن سايىن كۇشىم ارتا بەردى، 3-4 ساعات ۇيىقتاسام دا، مۇلدەم شارشامادىم. قاراڭعى ءارى سۋىق بولسا دا، جارىق ءسونىپ قالعان كەزدە دە جۇمىسىمدى توقتاتپادىم. ءتۇن ورتاسىندا تۇسىنىكسىز كۇش مەنى توسەكتەن تۇرعىزىپ، جۇمىس ىستەۋگە ءماجبۇر ەتەتىن. مەن تاسقا عاشىق بولدىم، ول مەنى وزىنە تارتاتىن. تۇسىمدە جۇمىسىمنىڭ ءاربىر كەلەسى قادامىن، قابىرعانى، بارلىق وتكەلدەردى، قيىلىسۋ نۇكتەلەرىن كوردىم جانە وڭىمدە ءدال سولاي ەتىپ جاسادىم»، - دەيدى ليەۆون.

جەراستى مۇراجايىنىڭ تەرەڭدىگى 21 مەتر (ياعني 7 قاباتتى ۇيگە تەڭ) . وندا دالىزدەرمەن، باسپالداقتارمەن بايلانىسقان 7 بولمە بار. ءۇي مەن اۋلانىڭ استىندا ورنالاسقان ۇڭگىردىڭ اۋدانى 280 ش. م. توسي گاريبياننىڭ ايتۋىنشا، ۇڭگىردەگى تەمپەراتۋرا جىل ون ەكى اي 10 گرادۋس قالپىن وزگەرتپەيدى. ليەۆون تاۋلىگىنە 18 ساعاتتى جەر استىندا وتكىزىپ، كەڭ ەسىكتەرى بار تۋننەلدەر، سونىمەن قاتار تاسقا قاشالعان گوتيكالىق باعاندار مەن باسپالداقتار جاساعان.

ليەۆون تەك قاشاۋمەن، بالعامەن باعاندار، مۇسىندەر، باسپالداقتار، حولدار مەن تۋننەلدەر ويىپ، ولاردى ويۋ- ورنەكپەن بەزەندىردى. ەلەكتر قۋاتى ءوشىپ قالسا، شاممەن جۇمىس ىستەگەن. قازىلعان تاۋ جىنىسىن جەرگىلىكتى قۇرىلىس كومپانياسى ءوزىنىڭ جوبالارى ءۇشىن العان. ۇڭگىردەن 450 جۇك كولىگىمەن توپىراق شىعارىلعان.

2005 -جىلعا قاراي بۇل ەرەكشە كورىنىستى تەك ارمەنيادان عانا ەمەس، ا ق ش، يزرايل جانە باسقا ەلدەردەن 40 مىڭ تۋريست تاماشالاعان. تۋريستەر بۇل جەرگە كەلىپ، شام جانىپ تۇرعان بولمەدە ارمان- تىلەگىن ايتادى.

ليەۆون 2008 -جىلى 67 جاسىندا جۇرەك تالماسىنان قايتىس بولدى، قۇرىلىستى اياقتاۋعا ۇلگەرمەدى. ونىڭ 30 جىلدىق جوسپارىندا تاعى 70 بولمە سالۋ مىندەتى بولعان.

وسى عيباداتحانانى سالىپ جاتقاندا كۇيەۋىنىڭ دەنساۋلىعى سىر بەرگەنىن ايتادى توسيا. ءبىراق ول ومىرلىك جارىنىڭ جۇمىسىن قولداعان.

قازىر توسيا تۋريستەرگە عيباداتحانانى كورسەتەدى. ول جەردە ليەۆوندى ەسكە الۋعا ارنالعان، شەبەردىڭ كيىمدەرى، اياق كيىمدەرى مەن قۇرالدارى قويىلعان زال بار، .

massaget.kz


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات