اتىراۋ وبلىسىندا تۇسكە دەيىن 23 ءسابي ومىرگە كەلدى
وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، بۇگىن، 10- قاڭتاردا تۇسكە دەيىن 23 ءسابي ءومىر ەسىگىن اشقان. ونىڭ ىشىندە 13 ءى - ۇل، 10 ى - قىز.
سايلاۋ كۇنىندە نارەستەلى بولعاننىڭ ءبىرى - جاس انا شىنار تولەۋىشوۆا. ول بۇگىن ومىرگە ءتورتىنشى ءسابيىن اكەلدى.
«ءبىزدىڭ وتباسىمىزدا بالالارعا ماعىناسى بولەك ەرەكشە ەسىمدەر بەرۋ ءداستۇرى بار. ماسەلەن، ءۇشىنشى قىزىمىزدى قۇرالاي دەپ اتادىق. سەبەبى، قىزىم كوكتەمگى تابيعات قۇبىلىسى - قۇرالاي اتالاتىن امال كەزىندە دۇنيەگە كەلدى. بۇگىنگى سايلاۋ كۇنىندە دۇنيەگە كەلگەن ءتورتىنشى قىزىمىزعا ەسىم تاڭداۋدى وسى شارامەن بايلانىستىرماق ويىمىز بار. سايلاۋ ەسىمىن بەرمەيمىز. ءبىراق، قىزىمىزعا تاۋەلسىز ەلىمىزدىڭ الەۋمەتتىك-ەكونوميكالىق وركەندەۋىنە لايىقتى ۇلەسىن قوسىپ جۇرگەن ىسكەر ءارى ساياساتكەر ايەلدەردىڭ ءبىرىنىڭ ەسىمىمەن اتاۋىمىز مۇمكىن. ال، بۇگىن - تاۋەلسىزدىكتىڭ 30 جىلدىعىن اتاپ وتكەلى وتىرعان ەلىمىز كەلەشەگىن بۇگىنگىدەن دە كەمەلدەندىرە تۇسۋگە تاڭداۋ جاسايتىن تاريحي كۇنى. سوندىقتان، ەلىمىزدىڭ جاڭعىرۋىمەن بىرگە قىزىمىزدىڭ دا بولاشاعى جارقىن بولارىنا سەنەمىن»، - دەيدى شىنار تولەۋىشوۆا.