قازاقپارات كۇنتىزبەسى: 23- قاراشا
اتاۋلى كۇندەر
حالىقارالىق جازاسىزدىققا قارسى كۇرەس كۇنى
حالىقارالىق ءسوز بوستاندىعىن قورعاۋ قاۋىمداستىعى 2011-جىلى بەكىتكەن. 2009-جىلى وسى كۇنى امپاتۋان (ماگينداناو، فيليپپين پروۆينتسياسى) قالاسىندا 58 ادام ۇرلانىپ، ءولتىرىلدى. ونىڭ ىشىندە 32 جۋرناليست، ب ا ق قىزمەتكەرى بولدى.
حالىقارالىق اكۆارەل كۇنى
بۇل مەرەكەگە مەكسيكالىق سۋرەتشى الفرەدو گۋاتي روحو (1918-2003) باستاماشىلىق ەتتى. ول تانىمال سۋرەتشى- اكۆارەليست بولا وتىرىپ، 1991-جىلى جىل سايىن 29- قاراشادا حالىقارالىق اكۆارەل كۇنىن وتكىزۋدى ۇسىندى.
ەستە قالار وقيعالار
1992-جىلى قازاقستان رەسپۋبليكاسى مەن وزبەكستان رەسپۋبليكاسى اراسىندا ديپلوماتيالىق قارىم-قاتىناس ورناتىلدى.
2000-جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن سولتۇستىك قازاقستان وبلىسىنىڭ بۋلايەۆ اۋدانى ماعجان جۇمابايەۆ اتىنداعى اۋدان بولىپ وزگەردى.
2007 -جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ۆەنگريا رەسپۋبليكاسىنىڭ جوعارعى مەملەكەتتىك ناگراداسى «القالى ۇلكەن كرەستپەن» ماراپاتتالدى.
ەلباسىعا وردەندى بۋداپەشتتە ۆەنگريانىڭ پرەزيدەنتى لاسلو شويوم سالتاناتتى جاعدايدا تابىس ەتتى.
2010 -جىلى ق ر سىرتقى ىستەر مينيسترلىگىندە ە ق ى ۇ سامميتىنە ارنالعان ءۇش كوركەم ماركادان تۇراتىن پوشتالىق بلوك سالتاناتتى تۇردە تانىستىرىلدى.
بلوكتا اقوردا، تاۋەلسىزدىك سارايى، بەيبىتشىلىك جانە كەلىسىم سارايى، قازاقستان تۋى اياسىنداعى «قازاق ەلى» بەينەلەنگەن. اۆتورى - دانيار مۇحامەدجانوۆ.
2010 -جىلى قازاقستاندىق عالىمدار «الماتى اپورتى» الما اعاشىنىڭ سورتى العاشقى ميكروكلوندارىن الدى. ولار الاتاۋ ەتەگىندە تەڭىز دەڭگەيىنەن 1000-1200 مەتر بيىكتىكتە وسەدى.
2010 -جىلى قازاقستاندا مادەنيەت، سپورت، ءبىلىم بەرۋ جانە قوعامدىق قىزمەت سالاسىندا مۇمكىندىگى شەكتەۋلى جانداردىڭ جەتىستىكتەرىنە ارنالعان «سامعاۋ» جىل سايىنعى قوعامدىق سىيلىعى بەكىتىلدى.
2012 -جىلى ق ر ۇلتتىق بانكى 2012 -جىلعى 23- قاراشادا 500 تەڭگە نومينالىمەن «جىلان جىلى» مونەتاسىن اينالىسقا شىعاردى. مونەتا ون ەكى قىرلى نىساندا جاسالعان. مونەتالاردىڭ بەت جاعىندا (اۆەرسىندە) ورتالىق بولىگىندە اسپان الەمىندەگى جۇلدىزدار شوعىرىنىڭ ميفتىك سيمۆولدارى بەينەلەنگەن جانە مونەتا دايىندالعان مەتالدى، ونىڭ سىناماسى مەن ماسساسىن «Au 999 7,78 g» بىلدىرەتىن جازۋ بەينەلەنگەن.
2016 -جىلى ق ر پارلامەنتى پالاتالارىنىڭ بىرلەسكەن وتىرىسىندا «تاۋەلسىزدىكتىڭ 25 جىلدىعى قازاقستان جەتىستىكتەرىنىڭ دەكلاراتسياسى» قابىلداندى. دەكلاراتسيادا قازاقستان يادرولىق قاۋىپسىزدىك رەيتينگىندە ەڭ قاۋىپسىز ەلدەردىڭ قاتارىنا كىرگەندىگى اتاپ وتىلگەن.
2016 -جىلى ا ق ش- تىڭ فلوريدا شتاتىندا لودەردەيل-بيچ قالاسىندا ارداگەرلەر اراسىندا دزيۋدودان وتكەن الەم چەمپيوناتىندا قازاقستاندىق دزيۋدوشى مۇرات كينتونوۆ (-100 كەلى) الەم چەمپيونى اتاندى.
2018 -جىلى قازاقستاندا قازىرگى بەسسايىستى دامىتۋعا قوسقان ۇلەسى ءۇشىن بۇكىلوداقتىق جانە حالىقارالىق دودالاردىڭ كوپ دۇركىن جەڭىمپازى تيمۋر دوسىمبەتوۆتىڭ ەسىمى حالىقارالىق قازىرگى بەسسايىس وداعىنىڭ داڭق زالىنا جازىلدى.
ايتا كەتەيىك، 70 جىلدان بەرى حالىقارالىق قازىرگى بەسسايىس وداعىنىڭ داڭق زالىنا جالپى 15 ادامنىڭ اتى جازىلعان.