قازاقستاندا كومپيۋتەر جانە وپتيكالىق قۇرىلعىلار ءوندىرىسى 23 پايىزعا تومەندەدى
جالپى ەلدە ەلەكتروندى ونەركاسىپ سالاسىن ىنتالاندىرىپ، الداعى 3 جىلدا ونىڭ كولەمىن 8,5 ەسە ارتتىرۋ جوسپاردا بار. ايتسە دە، 2020 -جىلدىڭ قاڭتار- تامىز ايلارىندا كومپيۋتەرلەردىڭ، ەلەكتروندى جانە وپتيكالىق ونىمدەردىڭ ءوندىرىسى 13,2 ميلليارد تەڭگەگە جەتىپ، وتكەن جىلدىڭ ۇقساس كەزەڭىمەن سالىستىرعاندا 23,3 پايىز تومەندەگەن. ونەركاسىپتىك ءوندىرىس يندەكسى 77,6 پايىزدى عانا قۇراعان. مالىمەتتەردى سالىستىرساق، 2019 -جىلدىڭ قاڭتار- تامىز ايلارىندا سەكتورداعى ءوندىرىس كولەمى 38,5 ميلليارد تەڭگەگە جەتىپ، ونىڭ الدىنداعى ۇقساس كەزەڭنەن قاراعاندا 13,4 پايىزدىق وسىمگە جەتكەن ەدى.
«جالپى بۇل سالاداعى بۇكىل ءوندىرىستىڭ تورتتەن ءۇش بولىگى ءۇش ايماققا تيەسىلى: الماتى (7 ميلليارد ت گ)، نۇر- سۇلتان (1,4 ميلليارد ت گ) جانە سولتۇستىك قازاقستان وبلىسى (1,2 ميلليارد ت گ) . سەكتوردا «LG Electronics Almaty» ا ق (ەلەكتروندى دەتالدار ءوندىرىس) ، «لوگيكوم» ا ق (كومپيۋتەرلەر مەن ي پەريفەريالىق قۇرىلعىلار ءوندىرىس)، «سايمان كورپوراتسياسى» ج ش س (ەلەكتر توعىن ەسەپتەۋدىڭ ەلەكتروندى قۇرىلعىسى)، «وريون- سيستەما» ج ش س (سىمسىز مالىمەت تاراتۋعا ارنالعان مودۋلدەر) سەكىلدى ءىرى كومپانيالار جۇمىس ىستەيدى»، - دەلىنگەن اقپارات كوزىندە.
دەگەنمەن انىقتاۋشى تسيفرلىق كولىكتەردىڭ ءوندىرىسى 1,8 ەسە ءوسىپ، ولاردىڭ 7,9 مىڭ داناسى وندىرىلگەن. ءبىراق ەلەكتروندى جانە وپتيكالىق قۇرىلعى ءوندىرىسىنىڭ باسقا سەكتورلارى قۇلدىراپ تۇر. ماسەلەن تەليەۆيزيالىق پريەمنيكتاردىڭ ءوندىرىسى 1,8 ەسە( 30,6 مىڭ داناعا دەيىن)، ەلەكتر قۋاتىن ەسەپتەۋىشتەردىڭ ءوندىرىسى 31,9 پايىزعا (144,4 مىڭ دانا)، فيزيكالىق باسقا دا باقىلاۋ قۇرىلعىلارى 5,4 ەسە، 4,4 مىڭ داناعا دەيىن ازايعان.